Jartylaı aýyr salmaqta burynǵy álem chempıony Sergeı Kovalev (34-4-1, 29 KO) dopıngke testten óte almady. Bul týraly ESPN sarapshysy jáne boks sholýshysy Den Rafael málimdedi, dep habarlaıdy Egemen.kz
Kovalev keıingi jekpe-jeginde meksıkalyq Saýl Kanelo Alvaresten jeńilgen edi. Onyń kelesi kezdesýi 30 qańtarda 2016 jylǵy Olımpıada júldegeri ózbekstandyq Bektemir Bek Bully Melıkýzıevke (6-0, 5 KO) qarsy ótýi kerek edi. Bul kezdesý bastapqyda Máskeýde josparlanyp, keıin Amerıkaǵa aýystyrylǵan. Endi jekpe-jek múlde bolmaıtynǵa uqsaıdy.
«Sergeı Kovalevtiń testi sıntetıkalyq testesteron baryn kórsetti. VADA ókilderinen hat aldym, onda mán-jaı aıtylǵan. Demek onyń 30 qańtar DAZN platformasyndaǵy Bektemir Bek Bully Melıkýzıevpen jekpe-jegi ótpeıtin shyǵar», dep jazypty Rafael tvıtter jelisinde.