Atyraý oblysynda ótken jyly mas kúıde kólik júrgizgen 558 júrgizýshi jazalandy, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna qaraǵanda, mas júrgizýshilerdiń arasynda 11 áıel bar.
«Mas kúıde rýlge otyrǵan júrgizýshiniń bári QR Ákimshilik quqyqbuzýshylyq týraly Kodeksiniń 608-babymen ákimshilik jaýapkershilikke tartyldy. Sot sheshimimen olar 15-20 táýliktik ákimshilik qamaýǵa alynyp, 7 jyl merzimge kólik júrgizý quqyǵynan aıyryldy. Buryn kólik júrgizý quqyǵynan aıyrylǵanymen, mas kúıinde qaıtadan rýlge otyrǵan 57 júrgizýshige qatysty QR Qylmystyq Kodeksiniń 346-babymen qylmystyq is qozǵaldy», dep habarlady departamenttiń baspasóz qyzmeti.
Osy jyldyń basynan beri mas kúıinde kólik basqarǵan 18 júrgizýshi jaýapkershilikke tartyldy Onyń ishinde «Toyota Land Cruiser» markaly avtokóligin basqarǵan 31 jastaǵy júrgizýshisi de bar. Onyń mas ekeni medısınalyq kýálandyrýdyń qorytyndysymen anyqtaldy. Mas júrgizýshi sot sheshimimen 15 táýlikke qamaýǵa alynyp, 7 jyl merzimge júrgizýshi quqyǵynan aıyryldy.