Muhtar Tileýberdi - Qazaqstan Respýblıkasy Premer-Mınıstriniń orynbasary - Syrtqy ister mınıstri bolyp taǵaıyndaldy, dep habarlaıdy Egemen.kz.Bul týraly «Qazaqstan Respýblıkasy Úkimetiniń quramy týraly» jarlyǵynda aıtylǵan.
Muhtar Tileýberdi buǵan deıin syrtqy ister mınıstri bolǵan. Endi ol eki qyzmetti qatar atqaratyn boldy.
Muhtar Tileýberdi 1968 jyly 30 maýsymda Túrkistan oblysy, Aqsýkent aýylynda týǵan.
1990-1993 jyldary Ál-Farabı atyndaǵy Qazaq Ulttyq ýnıversıtetiniń fılosofııa tarıhy jáne qytaı fılologııasy kafedralarynda jumys istedi.
1993–1996 jyldary attashe, Azııa elderi basqarmasynyń úshinshi hatshysy;
1996–1999 jyldary Koreıa Respýblıkasyndaǵy Qazaqstan Respýblıkasynyń Elshiliginiń úshinshi, ekinshi hatshysy;
1999–2000 jyldary Azııa, Taıaý Shyǵys jáne Afrıka departamentiniń birinshi hatshysy, Ekijaqty yntymaqtastyq departamentiniń bólim basshysy;
2000–2001 jyldary Qazaqstan Respýblıkasy Prezıdentiniń Ákimshiliginde Memlekettik hatshynyń halyqaralyq máseleler jónindegi keńesshisi;
2001–2003 jyldary Qazaqstan Respýblıkasynyń Izraıl Memleketindegi elshiliginiń keńesshisi;
2004 jyldyń tamyzynan 2009 jyldyń shildesine deıin Qazaqstannyń Malaızııadaǵy elshisi laýazymyn atqarǵan;
2005 jyldyń naýryzynan 2009 jyldyń shildesine deıin Qazaqstannyń Indonezııa, Brýneı-Darýssalamdaǵy jáne Fılıppın Respýblıkasyndaǵy elshisi;
2009 jyldyń shildesinen bastap 2016 jyldyń naýryzyna deıin - Qazaqstannyń Shveısarııadaǵy elshisi, Qazaqstan Respýblıkasynyń Lıhtenshteın knıazdigindegi, Vatıkan memleketindegi Tótenshe jáne О́kiletti Elshisi;
2015 jyly Qazaqstannyń Ierýsalımdik Áýlıe Ioann Egemendi Áskerı Gospıtalerler Ordeni janyndaǵy, Rodostaǵy jáne Maltadaǵy qosa atqarýshy Elshisi bolyp akkredıtteldi.
2016-2019 jyldary Qazaqstan Respýblıkasy Syrtqy ister mınıstriniń birinshi orynbasary.