Úkimet quramyna alǵash kirgen mınıstrler ant berdi, dep habarlaıdy Egemen.kz
«Úkimet qurylymynda ózgerister bar. Muhtar Tileýderdi Premer-Mınıstrdiń orybasary – Syrtqy ister mınıstri bolyp taǵaıyndaldy. Memleket basshysynyń Jarlyǵymen Úkimettiń eki múshesi jańadan taǵaıyndaldy. Ol Ulttyq ekonomıka mınıstri Áset Erǵalıev, Eńbek jáne halyqty áleýmettik qorǵaý mınıstri Serik Shápkenov. Olar ózderine júktelgen mańyzdy mindetti jaýapkershilikpen atqarady dep senemiz. Jańadan taǵaıyndalǵan mınıstrlerden ant qabyldaýyn suraımyn», dedi Premer-Mınıstr Asqar Mamın.
Eńbek jáne halyqty áleýmettik qorǵaý mınıstri Serik Shápkenov pen Ulttyq ekonomıka mınıstri Áset Erǵalıev ant berdi.
«Qazaqstan Respýblıkasynyń halqy men Prezıdenti aldynda óz Otanym Qazaqstan Respýblıkasynyń ekonomıkalyq jáne rýhanı damý isine barlyq kúsh jigerim men bilimimdi jumsaýǵa, memlekettiń Konstıtýsııasy men zańdaryn qatań saqtaýǵa, ózimniń is áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prınsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge saltanatty túrde ant beremin!» dedi mınıstr laýazymyna alǵash kirisken vedomstvo basshylary.