Dımash Qudaıbergenniń alǵashqy onlaın-konserti jankúıerlerge keremet áser syılady. Dears-tiń ótinishine baılanysty shoý 31 qańtarda Nur-Sultan qalasy ýaqyty boıynsha 20:00-de qaıtadan kórsetiletin bolady, - dep habarlaıdy dimashnews.com
Tixr strımıngtik platformasy men Dımash «DIMASH DIGITAL SHOW» qaıtalaýyn kórsetedi, bul qazaqstandyq oryndaýshy shyǵarmashylyǵynyń jankúıerlerine barlyq birikken Dears-tiń sıqyryn sezine otyryp, onlaın-chatta taǵy da júzdesýlerine múmkindik beredi.
Bıletteri bar jankúıerlerge qaıtadan bılet satyp alýdyń qajeti joq. Olar bıs-shoýdy qolda bar bıletter boıynsha tamashalaı alady. Olardy satyp alýǵa áli úlgermegen jankúıerlerge 31 qańtarǵa deıin satyp alý usynylady.
Budan basqa, 31 qańtar kúni Nur-Sultan q. ýaqyty boıynsha saǵat 22:30-da «DIMASH DIGITAL SHOW» kórsetiliminen keıin kópten kútken «Post-Show Q&A session» tikeleı efıri ótedi. Is-shara barysynda jankúıerler Dımashty kórýge, oǵan suraqtar qoıýǵa, onlaın-konsert týraly áserlerimen bólisýge, sondaı-aq ártistiń josparlary týraly bilýge múmkindik alady.
«Post-Show Q & A session» bıletteri dimash.tixr.com. saıtynda qol jetimdi, olardyń satylymy kez kelgen ýaqytta jabylýy múmkin.