Keshe Syrtqy ister mınıstrliginde 2 tomdyq qazaqsha-aǵylshynsha-oryssha jáne oryssha-qazaqsha-aǵylshynsha dıplomatııalyq sózdikterdiń tusaýy kesildi.
Keshe Syrtqy ister mınıstrliginde 2 tomdyq qazaqsha-aǵylshynsha-oryssha jáne oryssha-qazaqsha-aǵylshynsha dıplomatııalyq sózdikterdiń tusaýy kesildi.
Tusaýkeser rásimin ashyp júrgizgen Syrtqy ister vıse-mınıstri Qaırat Sarybaı Táýelsizdik merekesi qarsańynda syrtqy saıasat salasynda tuńǵysh ret úsh tildi dıplomatııalyq sózdiktiń jaryq kórip otyrǵanyn, al onyń 2004 pen 2006 jyldary jaryqqa shyqqan qazaqsha-oryssha anyqtamalyq sózdikterdiń negizinde jasalǵanyn aıtyp ótti.
Kitapqa dıplomatııa, qazirgi zamanǵy syrtqy saıasat jáne halyqaralyq qarym-qatynastarǵa qatysty termınder men sóz tirkesteri ense, jalpy, búgingi kúni dıplomatııanyń el órkendeýinde qamtymaıtyn salasy joq ekeni anyq. Al onyń dıplomattar, oqytýshylar men stýdentter úshin taptyrmas kómekshi quraly bolatynyna da senim zor. Eń bastysy, munda elder men olardyń astanalarynyń jazylý normalary birizdendirilgen. Máselen, Pekın ataýy budan bylaı Beıjiń dep atalatyn bolady.
Syrtqy ister mınıstrliginiń jaýapty hatshysy Asqar Mýsınov joǵarydaǵydaı sózdikterdi endi qazaq, arab, orys tilderinde shyǵarý qolǵa alynatynyn jarııa etti. Tusaýkeser rásiminde sóz alǵandar sózdiktiń tek dıplomattar, oqytýshylar men stýdentter úshin ǵana emes, jýrnalıster úshin de taptyrmas kómekshi bolatynyn atap kórsetti. Sonymen, dıplomattar men syrtqy saıasatqa qatysy bar jandardyń sómkesinen túspes jańa sózdik Táýelsizdik merekesi qarsańynda ómirge joldama aldy.
Anar TО́LEÝHANQYZY,
«Egemen Qazaqstan».