Sırııanyń soltústiginde «Irak pen Levant ıslam memleketi» tobynyń ekstremısteri 120 kúrdti tutqynǵa alyp ketti. Bul týraly ITAR-TASS habarlady.
«Al-Manar» telearnasynyń aqpary boıynsha, tutqyndar arasynda áıelder men balalar da bar.
Oqıǵa Túrkııamen shektesip jatqan Aazaz qalasy mańynda oryn alǵan. Sodyrlar kúrdterdiń aýlyna basyp kirip, jergilikti turǵyndardy tutqynǵa alyp ketken.
«Al-Kaıdamen» baılanysy bar «Irak pen Levant ıslam memleketi» men «Djebhat an-Nýsra» toptary Sırııanyń soltústigindegi kúrd aýdandaryna aparatyn barlyq joldardy bógep tastap, bul aýdandarǵa gýmanıtarlyq kómektiń jetkizilmeýin qadaǵalap otyr. Bul áreketter arqyly sodyrlar shilde men qazan aılarynda kúrdterdiń basyp alǵan El-Hasıka provınsııasyndaǵy shekara ótkelderin qaıtaryp alýdy kózdep otyrǵan kórinedi.
Aıdar О́risbaev.
Derekkóz: Itar-tass.com