Jaqynda búlinshilik áreketter jasady degen aıyppen barlyq qyzmetterinen alynyp tastalǵan Chan Son Thek áskerı sottyń sheshimimen ólim jazasyna ushyrady. Bul týraly ITAR-TASS habarlady.
Soltústik Koreıa memlekettik qorǵanys komıteti tóraǵasynyń orynbasary jáne Koreıa Eńbek partııasy ortalyq komıteti uıymdastyrý bóliminiń meńgerýshisi bolyp qyzmet atqarǵan Chan Son Thekke – Kım Chen Ynnyń syrtynan áreket jasady, buzylǵan adamnyń turmys saltyn ustady jáne memlekettik satqyndyq jasady degen aıyp taǵyldy.
«Aıyptalýshy Thek óziniń janyna zalaldy kúshterdi jınap alyp, sol tobyrdyń basshysy boldy. Bul top uzaq ýaqyt boıy múmkin bolǵan arandatýshylyq pen tómengi tásildiń barlyq túrlerin qoldana otyryp, bizdiń partııamyz ben memleketimizdi basyp alýǵa umtyldy. Ol joǵarǵy lıderdiń úlken senimine ıe boly, biraq satqyn bolyp shyqty», – delingen aıyptaý qorytyndysynda. Áskerı sot Thektiń sanaly túrde jasaǵan qylmystarynyń bári tolyq dáleldendi degen uıǵarymǵa keldi.
Sky News gazetiniń habarlaýynsha, ólim jazasy 12 jeltoqsan, beısenbi kúni oryndalypty. Qazir Chan Son Thektiń otstavkaǵa ketýi men ólimge ushyraýy Kım Chen Yn bılik basyna kelgeli bergi Soltústik Koreıa ómirindegi eń dúbirli oqıǵa bolyp tur. Ońtústik Korenyń «Renhap» agenttigi osy joly Chan Son Thektiń eki kómekshisi de atý jazasyna kesilgenin málimdedi.
Aıdar О́risbaev.
Derekkóz: Itar-tass.com