Búgin QR Memlekettik qyzmet isteri agenttigi jáne Qazaqstandaǵy BUU Damý Baǵdarlamasynyń ókildigimen Agenttik tóraǵasy Anar Jaılǵanovanyń jáne Qazaqstandaǵy BUUDB Turaqty ókili Iаkýp Berıshtiń qatysýymen «Memlekettik apparatty kásibılendirý tetikterin jetildirý, memlekettik qyzmetterdiń sapasyn qamtamasyz etý jáne sybaılas jemqorlyqtyń aldyn alý» jobasyn basqarý jónindegi komıtettiniń onlaın otyrysy ótti, dep habarlaıdy Egemen.kz
Otyrys sheńberinde Agenttik pen BUUDB-nyń úsh jyldyq birlesken jobasyn iske asyrýdyń qorytyndylary shyǵaryldy.
Onlaın-otyrys barysynda Agenttik tóraǵasy Anar Jaılǵanova BUUDB Turaqty ókili Iаkýp Berıshke syndarly yntymaqtastyǵy úshin alǵys aıtyp, ótken jyly birlesken kúsh-jigermen júzege asyrylǵan jumystardyń nátıjelerine toqtalyp ótti.
«Atap aıtqanda, BUUDB qoldaýymen ótken jyly Memlekettik qyzmet kórsetý sapasyn anyqtaý, memlekettik qyzmetshilerdiń etıkalyq deńgeıin qoǵamnyń qabyldaýy, iQyzmet platformasynyń pılottyq nusqasyn ázirleý baǵytynda semınarlar men zertteýler ótkizý boıynsha jobalar iske asyryldy», dedi A.Jaılǵanova.
Atap aıtqanda, BUUDB qoldaýymen memlekettik qyzmetshilerdiń ádeptilik deńgeıin anyqtaý úshin 7000 respondent jáne memlekettik qyzmetterdiń 70 túriniń sapasy men qoljetimdiligi boıynsha qyzmet alýshylardyń qanaǵattaný deńgeıin anyqtaý úshin 9181 respondentten saýalnama alyndy, nátıjesinde turǵyndardyń qanaǵattanýynyń ortasha deńgeıi 75,1%-dy qurady.
Sıfrlyq formatta memlekettik qyzmetterdi alýda halyqqa praktıkalyq kómek kórsetý úshin 400 eriktiniń qatysýymen usynymdar ázirlendi jáne arnaıy jeli qalyptastyryldy.
BUUDB qoldaýymen Prezıdenttik jastar kadr rezervi, Agenttiktiń IT-arhıtektýrasy men tehnıkalyq jabdyqtalýyn qurý boıynsha jobalar júzege asyrylýda.
BUUDB-nyń Qazaqstandaǵy Turaqty ókili Iаkýp berısh Agenttiktiń COVID-19 pandemııasy kezeńindegi mańyzdy úılestirýshi rólin atap ótti.
Ol qandaı da bir syn-qaterlerge qaramastan, memlekettik qyzmet kórsetýdiń qoljetimdiligin, sapasyn jáne jedeldigin qamtamasyz etý qajet ekenin jáne buǵan Agenttik pen barlyq memlekettik apparattyń úılesimdi is-qımylynyń arqasynda qol jetkizilgenin atap ótti.
Pandemııa sandyq qyzmetterdiń mańyzdylyǵyn ashty. Qazaqstan osy baǵytta jetekshi elder arasynda mańyzdy ról atqarady jáne BUUDB-nyń Qazaqstandaǵy ókildigi óz tájirıbesimen bólisýge daıyn ekendikterin jetkizzdi.
BUUDB Turaqty ókili Iаkýp Berısh Memlekettik qyzmet isteri agenttigine ózara senimge, túsinistikke jáne sınergııaǵa negizdelgen tıimdi áriptestik úshin alǵysyn bildirip, Agenttiktiń alǵa qoıǵan basymdyqtary eldiń turaqty damýyna baǵyttalǵan BUUDB maqsat-mindetterimen sáıkes keletinine senim bildirdi.
Onlaın otyrys sońynda Anar Jaılǵanova osy jyly da Agenttik BUUDB-men seriktestik kókjıegin odan ári damyta beretinin aıtty.