Qostanaı elimizdegi mashına jasaý ortalyqtarynyń birine aınaldy. Mundaǵy «AgromashHoldıng» aksıonerlik qoǵamynyń óndiris alańynda ataqty ıtalıandyq IVECO kompanııasy men «SaryarqaAvtoProm» kásipornynyń áriptestigi negizinde IVECO 682 aýyr júk mashınasyn jasaý jelisiniń tusaýy kesildi. Oǵan elimizdiń Indýstrııa jáne jańa tehnologııa mınıstriniń birinshi orynbasary Albert Raý men IVECO operasııalyq dırektory Franko Fýzınıanı qatysyp, sý jańa IVECO 682 aýyr júk mashınasynyń lentasyn qıdy. Albert Raý men Franko Fýzınıanı óndiris alańyndaǵy jańa júk mashınasyn qurastyrý sehtaryn aralap kórdi.
Qostanaı elimizdegi mashına jasaý ortalyqtarynyń birine aınaldy. Mundaǵy «AgromashHoldıng» aksıonerlik qoǵamynyń óndiris alańynda ataqty ıtalıandyq IVECO kompanııasy men «SaryarqaAvtoProm» kásipornynyń áriptestigi negizinde IVECO 682 aýyr júk mashınasyn jasaý jelisiniń tusaýy kesildi. Oǵan elimizdiń Indýstrııa jáne jańa tehnologııa mınıstriniń birinshi orynbasary Albert Raý men IVECO operasııalyq dırektory Franko Fýzınıanı qatysyp, sý jańa IVECO 682 aýyr júk mashınasynyń lentasyn qıdy. Albert Raý men Franko Fýzınıanı óndiris alańyndaǵy jańa júk mashınasyn qurastyrý sehtaryn aralap kórdi.
Tusaýkeserden keıin bolǵan baspasóz máslıhatynda taraptar IVECO 682 aýyr júk mashınasynyń sapasyn aldymen aýyzǵa aldy. Kóliktiń Qazaqstan úshin jańa túri burynǵy «KamAZ ben» ǵana ıyq tirestire alady eken. Biraq bul baǵasy jóninen, al sapasyna kelgende onyń aldyna mashına túse almaıdy. Aýyr mashına 20 tonnaǵa deıin júk tartady. Onyń kabınasy qolaılylyǵymen qosa qaýipsizdigimen de joǵary baǵasyn alǵan. Eger mashına jol-kólik oqıǵasyna tap bolyp, tumsyǵymen soǵysyp qalatyn bolsa, onda kabına 50 santımetrge deıin artqa jyljyp ketedi. Bul mashınaǵa tıgen kúshtiń ekpinin azaıtyp, júrgizýshini apat saldarynan saqtap qalady. Júk mashınasynyń dvıgateli qýattylyǵymen erekshelenedi, sondaı-aq, mashınanyń qoraby da joǵary sapaly bolattan jasalǵan. Onyń quramyndaǵy bul metall basqa óndirýshiler shyǵarǵan avtomobılderden 20 paıyzǵa qalyń. Ol eń aldymen, mashınanyń qaýipsizdigin qamtamasyz etetindigin aıtty mamandar. Zaýytta bul mashınanyń negizi qurastyrylady, al ony ári qaraı janar-jaǵarmaı tasıtyn, júk tasıtyn nemese basqa da qajetterge oraı túrlendirý mamandardyń qolynda.
Indýstrııa jáne jańa tehnologııalar mınıstriniń birinshi orynbasary Albert Raý Qostanaıdaǵy mashına jasaý isiniń óndiristik qýatyn jáne onyń ekonomıkany damytýǵa qosar úlesin Sokolov-Sarybaı ken óndirý birlestigimen salystyrdy.
– Qazaqstan azǵana jyldardyń ishinde mashına jasaý óndirisin aıaǵynan qoıdy. Bul tek oblys qana emes, elimizdiń ekonomıkasyn serpindi damytýǵa múmkindik beretin bolady. Qazaqstanda mashına jasaý klasterin úsh aımaqta, Almaty, О́skemen, Qostanaıda damytyp otyrmyz. Bular eshqashan birine-biri kedergi, báseke bolmaıdy. Biz bul salany tek álemdik mashına jasaý kompanııalaryn tartý arqyly ǵana órkendete alamyz. Italıandyq ataqty IVECO kompanııasynyń bizdiń elimizge kelýi osy oraıda jaqsy nyshan. IVECO 682 aýyr júk mashınasyn jasaý jelisimen birge Qazaqstanǵa ozyq tehnologııalar, joǵary sapaly qurastyrý jáne óndiristik standarttar, eń bastysy sapa keledi. Sondyqtan búgingi IVECO 682 mashınasynyń tusaýkeserin tarıhı kún dep bilemin, – dedi Albert Pavlovıch.
– IVECO 682 – mańyzdy joba. «SaryarqaAvtoProm» kásipornymen bizdiń áriptestigimiz jartyjyldyń ishinde óz nátıjesin berdi. Osyndaı jetistikke múmkindik jasaǵan Qazaqstan basshylyǵyna alǵysym sheksiz. Qazaqstan London olımpıadasynda aýyr atletıkadan tórt altyn alyp, álemdi tańǵaldyrǵan edi. Endi aýyr júk mashınasyn jasaýdan olımpıadalyq bıikke shyǵaryna senimdimin, – dep IVECO operasııalyq dırektory Franko Fýzınıanı sózin ázilmen qaıyrdy.
AllurGroup kompanııalar tobynyń dırektory Andreı Lavrentevtiń aıtýynsha, Qazaqstandaǵy aýyr júk kóligi naryǵy ótken jylmen salystyrǵanda 30 paıyzǵa ósti. IVECO 682 aýyr júk mashınasy osy kórsetkishtiń aldaǵy ýaqytta óse túsýine yqpal jasaıdy. Ázir óndiris alańynda segiz mashına qurastyryldy. Qurastyrý sehtarynda 35 jumys orny ashyldy. AllurGroup kompanııalar toby IVECO aýyr júk mashınalarmen qatar osy attas avtobýstar da shyǵarady. Aldaǵy ýaqytta kompanııa jylyna IVECO 1200 mashınalaryn shyǵarsa, sonyń 20 paıyzy aýyr júk tasıtyn kólikter bolmaq.
Názıra JÁRIMBETOVA,
«Egemen Qazaqstan».
QOSTANAI.