QR Qorǵanys mınıstrliginde apparat keńesi ótti. Onda pandemııa jaǵdaıynda vzvodtardyń jaýyngerlik daıarlyǵyn uıymdastyrýda sanıtarlyq-epıdemıologııalyq talaptardy saqtaý, sondaı-aq QR Qarýly Kúshteriniń áskerı bólimderi men mekemelerindegi órt qaýipsizdigin baqylaý jóninde nusqaýlar berildi, dep habarlaıdy Egemen.kz.
О́tken aptada Qarýly Kúshterde COVID-19 juqtyrǵandar sany 13 jaǵdaıǵa tómendedi, Nur-Sultan jáne Almaty qalalaryndaǵy QR QK PTR-zerthanalary 696 taldama júrgizdi. Aıta ketý kerek, eseptilik kezeńde áskerde koronavırýs ınfeksııasyn jappaı juqtyrý faktileri tirkelgen joq.
Qarýly Kúshterde bıylǵy jyldyń qańtar aıy boıy bólimshelerdi úılestirýge qatysty ótkizilgen sharalar jalpy «jaqsy» dep baǵalanyp, aıaqtaldy. Pandemııaǵa qaramastan áskerı daıarlyqtyń qarqyndylyǵy tómendemeı, sanıtarlyq-epıdemıologııalyq talaptardy qatań saqtaýmen ótti.
Aqpan aıynyń 1-nen bastap áskerler vzvodtardyń daıarlyǵyna kiristi. QR Qorǵanys mınıstri general-leıtenant Nurlan Ermekbaev jaýyngerlik daıarlyqtyń qarqyndylyǵyn tómendetpeı, sanıtarlyq-epıdemıologııalyq talaptar men qaýipsizdik sharalaryn múltiksiz saqtaı otyryp, ásker túrleriniń bas qolbasshysy men óńirlik qolbasshylyqtardyń qolbasshylaryna nusqaý berdi.
Praktıkalyq sabaqtardy ruqsat etilgen temperatýra rejımin eskere otyryp, tek taza aýada ótkizý, sondaı-aq «qyzyl» aımaqtarda áleýmettik ara qashyqtyqty saqtaý men bólimsheler arasyndaǵy baılanysty qatań baqylaýdy qamtamasyz etý tapsyryldy.
Vzvodtardy úılestirý barysynda komandırler baǵynystylardyń jaýyngerlik is-qımyldaryn turaqty basqarýdy úıretýge, sondaı-aq jergilikti soǵystar men qarýly qaqtyǵystardaǵy jaýyngerlik is-qımyldar tájirıbesine súıene otyryp, kúndizgi jáne túngi jaǵdaılarda bólimshelerdiń jaýyngerlik atystaryn júrgizýge erekshe nazar aýdarýy aıtyldy.
Apparat keńesinde Qorǵanys mınıstri Tótenshe jaǵdaılar mınıstri Iý. Ilınmen jaqynda bolǵan kezdesýdiń qorytyndysy boıynsha hattamalyq tapsyrmany iske asyrýdyń mańyzdylyǵyn atap ótti. Atap aıtqanda, Qorǵanys mınıstrligine QR QK áskerı bólimderi men mekemeleriniń aýmaǵynda órt qaýipsizdigi salasyndaǵy ýákiletti organ qyzmetterin berý máselesin pysyqtaýdy tapsyrdy.
- О́rtke qarsy qaýipsizdik – Qarýly Kúshterdiń qaýipsiz tynys-tirshiligin qamtamasyz etýdiń mańyzdy faktorlarynyń biri. Barlyq kemshilikterdi qysqa merzimde joıý qajet, al osy is-sharalardy qarjylandyrýǵa basymdyq berilýi tıis, - dep Qorǵanys mınıstri atap ótti.
Jarııalanǵan kúni02 aqpan 2021
Qyzmet baǵyty Áskerlerdiń jaýyngerlik daıyndyǵy Jańalyqtarǵa jazylý