Tańbalaý joq elderde tańbalanǵan taýarlardyń aınalymyna qatysty máseleler, ftor alıýmınııine salynatyn kedendik mólsherlemeler jónindegi saýaldar EEO keńesiniń kezekti otyrysynda talqylandy, dep habarlaıdy Egemen.kz.
2021 jyldyń 29 qańtarynda Qazaqstan Respýblıkasy Premer-Mınıstriniń birinshi orynbasary A.Á. Smaıylovtyń tóraǵalyǵymen beınekonferensııalyq baılanys rejıminde Eýrazııalyq ekonomıkalyq komıssııa keńesiniń kezekti otyrysy ótti.
Sondaı-aq, Keńestiń otyrysyna alǵash ret О́zbekstan Respýblıkasy Premer – Mınıstriniń orynbasary-Investısııalar jáne syrtqy saýda mınıstri S.Ý. О́mirzaqov baqylaýshy memlekettiń ókili retinde qatysty.
Otyrys sheńberinde keńes músheleri syrtqy saýda qyzmeti, kedendik jáne tehnıkalyq retteý jáne halyqaralyq yntymaqtastyq salasyndaǵy máselelerdi qarastyrdy.
Atap aıtqanda, óz aýmaqtarynda tańbalaýdy engizgen jáne engizbegen EAEO elderi arasyndaǵy ózara is-qımyl tártibi men qarym-qatynas jasaý tásilin belgileıtin EAEO-da taýarlardy sáıkestendirý quraldarymen tańbalaý júıesiniń bazalyq modeli bekitildi.
Qabyldanǵan sharalar bir elde mindetti tańbalaý engizilgen, al basqa elde bolmaǵan jaǵdaıda ózara saýda-sattyq kezinde kedergilerdiń týyndamaýyna múmkindik beredi.
Covid-19 taralýyna baılanysty karantındik is-sharalar engizilgen jaǵdaıda elektronıka men turmystyq tehnıkany óndirýshiler men ımporttaýshylardy qoldaý maqsatynda "energetıkalyq qaýipsizdikke qoıylatyn talaptar týraly" EAEO tehnıkalyq reglamentiniń (EAEO TR 048/2019) kúshine ený merzimi 2022 jyldyń 1 qyrkúıegine deıin uzartyldy.Budan basqa, keńes sheshimimen elektrolız ádisimen alıýmınıı óndirisinde qoldanylatyn ftorly alıýmınııge qatysty kedendik bajdyń "nóldik" mólsherlemesi 2023 jyldyń sońyna deıin uzartyldy.
Bul shara alıýmınıı ónerkásibiniń básekege qabilettiligin qoldaýǵa jáne otandyq ónerkásiptik óndiristi damytýǵa baǵyttalǵan.
Qazaqstandyq taraptyń bastamasy boıynsha 2014 jyldyń 23 jeltoqsanyndaǵy EAEO sheńberinde dárilik zattar aınalymynyń biryńǵaı qaǵıdattary men qaǵıdalary týraly kelisimge ózgerister engizýdiń oryndylyǵy talqylandy. Atap aıtqanda, ulttyq zańnamaǵa sáıkes ishki naryqta tutyný úshin qajetti dárilik zattardy tirkeý múmkindigin saqtaý bóliginde ózgerister engizý máselesi qaraldy.
Esterińizge salaıyq, 2021 jyldyń 1 qańtarynan bastap Qazaqstan organdarynda tóraǵalyq etedi.