Antarktıdadaǵy sheksiz muzdardyń arasynan erekshe zat tabyldy. Ońtústik Djordjııa men Ońtústik Sendvıch araldarynyń aımaǵynda kóringen beıne apatqa ushyraǵan NLO-ǵa nemese qatyp qalǵan poıyzǵa uqsaıdy, dep habarlaıdy Egemen.kz
Ońtústik Djordjııa jáne Ońtústik Sendvıch araldary - Ulybrıtanııanyń otarlyq dáýirden beri kele jatqan aýmaq. Qazir bul qarly jerlerge British Antarctic Survey músheleri ıelik etedi. Al -54 ° 39'44.62 «S jáne 36 ° 11'42.47» W koordınattarynda anyqtalǵan tańqalarlyq obektige qaraǵanda, BAS músheleri munda jalǵyz bolmaýy múmkin degen kúdik týyndap otyr.
Aıta keteıik, Kıl ýnıversıtetiniń (Ulybrıtanııa) ǵalymy Rıchard Ýoller bul jerde eshqandaı aýytqýshylyq joq deıdi. Ǵalym bul muzdyqtyń negizgi muz massasynan bólinip, sodan keıin baýraıǵa qaraı domalanyp túsken bóligi ekenine senimdi.
«Bul Antarktıdada jıi kezdesetin qubylys. Muzdyqtyń bóligi úzilip túsip, tómen qaraı domalap, sýrettegideı iz qaldyrady», dedi ol.
Alaıda, jelidegi tylsym syr izdeýshiler mundaı prozalyq túsindirýge qanaǵattanbaıdy, sondyqtan olar tabıǵattan tys jumbaq nárse tapqanyna senimdi. Olar sapaly jerseriktik túsirilim qupııany anyqtaýǵa kómektesedi degen pikirde.
Aıda ORALBEK