Úndistannyń Ýttarakhand shtatynda muz kóshkini bolyp, 150-den astam adam joǵalyp ketti, dep habarlaıdy Egemen.kz
Aldyn ala málimetter boıynsha joǵalyp ketkenderdiń kópshiligi Rıshıgang sý elektr stansasynyń jumysshylary.
Gımalaı taýlarynyń Alaknanda men Dhaýlıganga ózenderine úlken muz massalary túsip, ol Úndistannyń soltústigindegi Ýttarakhand shtatynda sý tasqynyna sebep boldy. Tómende ornalasqan Srınagar, Rıshıkesh jáne Harıdvar qalalaryndaǵy sý elektr stansııalary shuǵyl túrde sýdy aǵyzyp jatyr.
Qutqarýshylar jeti adamnyń denesin tapqan. Qazirgi ýaqytta apat aımaǵynda jumys jalǵasyp jatyr.
Sondaı-aq ózenniń janynda ornalasqan eldi mekenderde avtokólik jáne temir jol kópirlerin salý jobalarynda jumys isteıtin qyzmetkerlerdiń ómirine de qaýip tóngen.
Tasqynǵa baılanysty bılik sý elektr stansasynyń astynda ornalasqan eldi mekenderdi evakýasııalaı bastady.
Aıtolqyn MYRZAKARIM