Aýa-raıynyń nasharlaýy elimizdiń joldaryndaǵy qaýip-qaterdi joǵarlatýy múmkin, dep málimdedi brıfıngte Ishki ister mınıstrliginiń baspasóz hatshysy Nurdildá Oraz.
Aýa-raıynyń nasharlaýy, keıbir oblystarda qardyń qalyń túsýi elimizdiń joldaryndaǵy qaýip-qaterdi joǵarlatýy múmkin. Ásirese, aýyldyq joldarda. Sarapshylar bul kúnderi júrgizýshilerge uzaq saparǵa shyǵýdan aýlaq bolýǵa keńes beredi, ásirese jeldi jáne burqasyndy kóktaıǵaq jaǵdaıynda. Joldarda muqııat bolyńyzdar, jyldamdyq pen araqashyqtyqty saqtańyzdar. Ásirese, balalar bilim berý mekemeleriniń janynda, qoǵamdyq kólik aıaldamalary men jaıaý júrginshiler ótkelderinde. Demalys kúnderi 27 jazataıym oqıǵa oryn aldy, saldarynan 5 adam qaıtys boldy, 22 adam jaraqat aldy, - dedi N. Oraz.