Atyraý oblysy sońǵy aptada «sary aımaqta» turaqtap tur. Buǵan koronavırýs ınfeksııasyn juqtyrýshylar qatarynyń azaıyp kele jatqany sebep bolyp otyr, dep habarlaıdy Egemen.kz
Máselen ótken táýlikte koronavırýs ınfeksııasy 43 adamnan anyqtaldy. Olardyń qaýipti vırýsqa shaldyqqany PTR-test arqyly rastalypty.
«Naýqastardyń arasynda Atyraý qalasynan 16 adam bar. Al Teńiz kenishinde 23 jumysshy, Jylyoı aýdanynda 3, Mahambet aýdanynda 1 adam Sovid-19 juqtyrdy. Qaýipti vırýstyń sımptomdy túri 9 naýqastan tabyldy. Sońǵy málimetke sáıkes, ótken táýlikte koronavırýs ınfeksııasynan 44 adam emdelip shyqty», dep málim etti oblystyq densaýlyq saqtaý basqarmanyń baspasóz qyzmetinen.
Degenmen, úıde emdelip jatqan naýqastar áli de bar. Qazir 370 adam úı jaǵdaıynda emdelý úshin oqshaýlandy. Sondaı-aq oblystyq ınfeksııalyq stasıonarda 71, aýdandardaǵy stasıonarlarda 24 pasıent em qabyldaýdy jalǵastyryp jatyr.