AQSh óz azamattaryn Ońtústik Sýdannyń Bor qalasynan qaýipsiz aımaqqa kóshirdi. Bul týraly ITAR-TASS habarlady.
AQSh memlekettik departamenti baspasóz qyzmetiniń jetekshisi Djen Psakıdiń aıtýy boıynsha, olar Ońtústik Sýdannan 380 azamatyn, sondaı-aq ózge elderdiń 300-ge jýyq ókilin qaýipsiz aımaqqa kóshirip úlgergen. Bulardyń barlyǵy kórshiles Kenııa, Naırobı men ózge de Afrıka memleketterine jetkizildi.
Budan buryn AQSh Ońtústik Sýdandaǵy jaǵdaıdy qalpyna keltirýge kómektesý úshin, bul jerge óziniń arnaıy ókili Donald Býtty jiberetinin málimdegen edi. Senbi kúni AQSh memlekettik hatshysy Djon Kerrı Ońtústik Sýdan prezıdenti Salvatore Kıırǵa telefon arqyly qońyraý shalyp, osy másele jóninde habardar etti. Olar etnıkalyq baǵytta órbigen arazdyqty toqtatý jóninde pikir almasyp, qaqtyǵys aımaǵynan qashýǵa májbúr bolǵan adamdardyń qaýipsizdigine alańdaýshylyq bildirdi.
Aıdar О́risbaev.
Derekkóz: Itar-tass.com
Foto: Itar-tass.com