Almatyda osy kúnge deıin koronavırýs ınfeksııasynyń 22 898 jaǵdaıy tirkelse, onyń 14 558-i sımptomdy jáne 8340-y sımptomsyz. Emdelgender sany - 20 953 (+110). 7 aqpanda koronavırýs ınfeksııasynyń 114 jaǵdaıy tirkeldi (112 jergilikti, 1 BAÁ-nen jáne 1 Shymkent qalasynan ákelý jaǵdaıy), onyń ishinde 78 jaǵdaı sımptomdy, 36 jaǵdaı sımptomsyz. Táýliktik ósim-0,4%, dep habarlaıdy Egemen.kz
«Qańtar aıynda KVI-diń 3607 jaǵdaıy tirkeldi, aqpannyń 7 kúninde - 770 adamnyń indet juqtyrǵany anyqtaldy. KVI ekinshi tolqynynyń damý dınamıkasy 28 qańtarda bastalǵan quldyraýmen jumsaq órlemeli syzyq boıynsha júredi, bul Almaty qalasynyń epıdemııalyq jaǵdaıdy baǵalaý matrısasynda qyzyl aımaqtan (4 kún boldy – 25-29 qańtar aralyǵynda) sary (1 kún boldy – 30 qańtar) jáne jasylǵa (31 qańtardan bastap qazirgi ýaqytqa deıin) aýysýyna ákeldi», dep habarlady Almaty qalasy sanıtarlyq-epıdemııalyq baqylaý Departamenti basshysynyń orynbasary Ásel Qalyqova.
Epıdemıologtyń aıtýynsha, 28 qańtardan bastap Almaty qalasynda KVI aýrýynyń kúndelikti 130 jaǵdaıdan 122 jaǵdaıǵa deıin, 29-31 qańtar aralyǵynda kúnine 90-116, 1-7 aqpan aralyǵynda 110-114 jaǵdaıǵa deıin tómendeýi tirkeldi.
«Almaty qalasyndaǵy koronavırýs ınfeksııasymen aýyrýdyń epıdemııalyq qısyǵy aqpan aıynda joramaldanǵan joǵary kórsetkishterge saı kep otyr, epıdemııanyń ekinshi tolqynynyń joǵary kórsetkishi 26-27 qańtarda oryn aldy, bul kúnderi kúnine 138-139 aýrý jaǵdaıy tirkelgen edi», dep túsindirdi Á.Qalyqova.
Bul rette, qańtar aıynyń 4 aptasymen salystyrǵanda epıdemııalyq tergeýlermen qoǵamdyq oryndarda juqtyrýdyń 5,1%-ǵa (38,6-dan 43,7%-ǵa deıin) – aýa raıynyń jylynýyna baılanysty kelýshilerdiń belsendiligi; otbasylarda 2%-ǵa (28%-dan 30%-ǵa deıin) ulǵaıýy anyqtaldy. Otbasylyq is-sharalarda (qudalyqtar, keshter jáne basqalar) ınfeksııalardyń kóbeıýi baıqalady-aptasyna 16 jaǵdaı (2,2%), bul halyq arasynda qyraǵylyq pen saqtyq sharalarynyń tómendegenin kórsetedi. Qoǵamdyq kólikte juqtyrý deńgeıi 20-22% aralyǵynda ózgerissiz qaldy.
Epıdemıolog sanıtarlyq normalardy saqtaýdyń – betperde kııýdiń, 1,5-2 metr qashyqtyqty saqtaýdyń mańyzdylyǵyn taǵy da atap ótti, sondaı-aq múmkindiginshe adamdar kóp jınalatyn jerlerge, ásirese, qart adamdarǵa; sozylmaly aýrýlardan zardap shegetinderge jáne t. b. barýdan bas tartýǵa shaqyrdy.
Qańtar aıymen salystyrǵanda jas erekshelikterine qaraı aýrý deńgeıi 20-39 jas aralyǵynda 3%-ǵa nasharlady.2021 jylǵy aqpannyń 1 aptasyndaǵy jas quramy jáne juqtyrý oryndary:
39,2% – 20 – 39 jas - 257 jaǵdaı;
25% – 40-59 jas - 164 jaǵdaı;
20,9% – 60 jas jáne odan joǵary – 137 jaǵdaı;
43,7% – qoǵamdyq oryndarǵa barý;
29.9% – otbasynda KVI-men aýyratyn naýqaspen baılanys;
20.1% – qalalyq kólik.
Aıta ketý kerek, pandemııa bastalǵannan beri Almatyda shamamen 917 myń PTR zertteý júrgizildi. Búgingi kúni qalada táýliktik qýattylyǵy 14,5 myń zertteý bolatyn 24 PTR zerthana jumys isteıdi. Perspektıvalyq qýaty-23 300 zertteý. Bul rette, «Ulttyq saraptama ortalyǵy» fılıalyndaǵy PTR testiniń quny jeke tulǵalar úshin de, zańdy tulǵalar úshin de 8025 teńgege deıin tómendetildi
Sondaı-aq shet elderden COVID-19 ákelinýiniń aldyn alý boıynsha sharalar jalǵasýda. 2020 jylǵy 6 qazannan bastap bıylǵy 7 aqpanǵa deıin koronavırýstyq ınfeksııanyń 89 jaǵdaıy anyqtaldy (Túrkııa – 32, BAÁ – 25, Egıpet – 23, Belarýs – 5, Maldıv araldary – 2, Seýl – 1, Ýkraına – 1).
Búgingi tańda Almaty stasıonarlarynyń jalpy qýattylyǵy 7011 tósek-oryndy quraıdy. Almaty qalasy ákimdiginiń derekteri boıynsha, búgingi kúni ınfeksııalyq stasıonarlarda (1866 tósek) 703 naýqas jatyr, onyń ishinde 17-si – asa aýyr jaǵdaıda, 105-i-aýyr, 581-i-aýyrlyǵy ortasha dárejede. 62%-dan astam tósek-oryn bos.
1 aqpannan bastap Almaty medısınalyq uıymdarynyń 1240 qyzmetkeri (67%) koronavırýs ınfeksııasynan «Spýtnık» vaksınasyn aldy, bári 30 mınýt boıy medısınalyq baqylaýda boldy, densaýlyqtarynda asqynýlar men jaǵdaıynyń nasharlaýy bolǵan joq.