Seısmıkalyq jóndeý jumystaryn qajet etedi. Biraq qarajat máselesi qolbaılaý, dep habarlaıdy Egemen.kz «Habar 24» arnasyna silteme jasap.
Kezinde nysan apatty jaǵdaıda dep tanylǵan. Keıin qaıta tekserilip, sheshim joqqa shyǵaryldy. Odan keıin birneshe ret jobalyq-smetalyq qujattamasy da jasaldy. Alaıda jóndeýge bıýdjet tarapynan qarjy bólinbedi. Aýdannyń bas mekemesiniń qazirgi jaǵdaıy mynaý. Bir bóligi jylýdan múlde ajyratylǵan. Saldarynan ákimdik qyzmetkerleri nysannyń ekinshi bóliginde, ıaǵnı aıadaı ǵana bólmede jumys isteýge májbúr.
– Aýdanda 13 bólim bar. Úsh bólimi osy jerde. 10 bólim mádenıet úıi bar. Qalalyq ákimshilikte, sport úılerinde otyrǵandyqtan joldaǵan bolatynbyz. 186 mıllıonǵa joba jasatyp, oblysqa usyndyq. Búgingi tańda qoldaý tappaı otyr, – deıdi Talas aýdanynyń ákimi Baqyt Qazanbasov.