Ulttyq Banktiń Tólem balansy departamentiniń dırektory Azat О́skenbaev Qazaqstannyń syrtqy qaryzy 160,9 mıllıard dollardy quraıtynyn aıtyp berdi, dep habarlaıdy Egemen.kz
Qaryzdyń 80%-y memleket te, qarapaıym azamattar da jaýap bermeıtin jeke uıymdardyń mindettemelerine tıesili.
«Sondyqtan bul aqsha bıýdjettiń nemese halyqtyń qarjysy esebinen tólenbeıdi. Memlekettik syrtqy qaryz el boryshynyń 8,2%-yn nemese 13,2 mlrd AQSh dollaryn, al kvazımemlekettik sektordyń syrtqy qaryzy – 12,5% nemese 20,1 mlrd AQSh dollaryn quraıdy. Bul jalpy alǵanda IJО́-ge shaqqanda 18,8% jáne halyqaralyq tájirıbege sáıkes, qaýipsiz deńgeıge jatady», dedi departament dırektory.
Eldiń syrtqy qaryzynyń qurylymynda eń kóp úlesti jeke sektordyń fırmaaralyq bereshegi alyp otyr (101,3 mlrd AQSh dollary nemese 62,9%), onyń mańyzdy bóligi sheteldikterdiń qatysy bar úsh iri joba – Qashaǵanǵa jáne TShO men Qarashyǵanaqqa tıesili.
Mundaı jobalardy iske asyrý úshin sheteldik ınvestorlar Qazaqstanda tirkelgen óz tobynyń kompanııalaryn qarjylanyrady. Halyqaralyq ádisnamaǵa sáıkes, osyndaı ınvestısııalar da eldiń syrtqy qaryzy bolyp sanalady.