Endi qazaqstandyq stýdentterdiń kásibı tájirıbesi jumys ótilimi retinde sanalatyn bolady. Stýdent kolledjde teorııalyq bilim alyp, mamandyǵy boıynsha jumys oryndaryna jiberiledi, dep habarlaıdy Egemen.kz
Stýdentter dıplomdaryn ala salyp, mamandyq boıynsha birden jumysqa ornalasyp ketýi qıyn. Jumys oryndary da oqýyn endi támamdaǵan stýdentten jumys ótilimin talap etkendikten, faktorlar eldegi jumyssyzdyq sanyn da arttyrdy.
Osyǵan oraı Bilim týraly zańǵa ózgerister engizildi. Budan bylaı kolledj stýdentteri dıplomyn almaı turyp, mamandyqtary boıynsha biliktiligin praktıka barysynda shyńdaıdy.
Kásibı tájirıbesine ketken ýaqyty jumys ótilimi retinde esepteletin bolady. Qazirgi tańda elimizde 535 kolledj dýaldy bilim berý júıesine kóshti.
«Osy qaladaǵy iri kásiporyndarmen dýaldy oqytý júıesinde kelisim-shartqa otyryp, úsh mamandyq boıynsha osy júıege kóship jatyrmyz. Birinshi mamandyǵymyz – qonaq úı sharýashylyǵy, týrızm mamandyǵy boıynsha, tigin óndirisi jáne úlgileý mamandyǵy boıynsha úsh mamandyqty dýaldy júıede oqytyp jatyrmyz», dedi Almaty memlekettik servıs jáne tehnologııalar kolledjiniń dırektory Jarqyn Janııazova.