Ortalyq kommýnıkasııalar qyzmetinde «Damý» kásipkerlikti damytý qory» AQ-tyń basqarma tóraıymy Lázzat Ibragımova brıfıng ótkizdi. Ol «Bıznestiń jol kartasy-2020» jeke kásipkerlikti memlekettik qoldaý baǵdarlamasyn júzege asyrýǵa baılanysty baıandama jasady.
Ortalyq kommýnıkasııalar qyzmetinde «Damý» kásipkerlikti damytý qory» AQ-tyń basqarma tóraıymy Lázzat Ibragımova brıfıng ótkizdi. Ol «Bıznestiń jol kartasy-2020» jeke kásipkerlikti memlekettik qoldaý baǵdarlamasyn júzege asyrýǵa baılanysty baıandama jasady.
Tóraıymnyń aıtýyna qaraǵanda, atalǵan baǵdarlama otandyq bıznestiń ósip-ónýine keltirip otyrǵan kedergilerdi joıyp, olarǵa kezikken túıtkildi máselelerdi sheshýde qazaqstandyq kásipkerlerge qol ushyn sozý maqsatynda iske qosylǵan. Negizinen, óz isin jańadan bastaǵan kásipkerlerge alǵashqy kapıtaldyń bolmaýy, bank nesıeleri mólsherlemeleriniń joǵarylyǵy, kepilzatqa qoıylatyn talaptardyń joǵarylyǵy, sondaı-aq, jumysshylar sanynyń shekteýliligi men kásipkerdiń bıznesti júrgizýdegi biliminiń jetkiliksizdigi qolbaılaý bolyp kelgen.
Úsh jyl buryn «Bıznestiń jol kartasy-2020» baǵdarlamasy iske qosylǵan. Sonyń aıasynda kásipkerlerge granttar berý, syıaqynyń bir bóligin sýbsıdııalaý, nesıelerdi kepildendirý men talapkerlerdi bızneske oqytý, bıznes júrgizýge servıstik qoldaý kórsetý sharalary jolǵa qoıylǵan.
– «Bıznestiń jol kartasy-2020» baǵdarlamasy 2010 jyly endi ǵana kúshine enip, eńse kótere bastasa, 2011 jyly kásipkerlerdiń nazaryn aýdarǵan jáne olar úshin eń tartymdy tetik sýbsıdııalaý sharasy boldy. Al 2012 jyly baǵdarlama kepildendirý isimen tolyqty. Aǵymdaǵy jyly barlyq óńirlerde kásipkerlerge qyzmet kórsetý ortalyqtary ashyldy. «Bir tereze» qaǵıdasy boıynsha jumys isteıtin ol ortalyqtar kásipkerlerge bızneske qoldaý kórsetý jónindegi memlekettik baǵdarlamalardyń barlyq túri boıynsha tegin keńes beredi. Buıyrtsa, aldaǵy jyly kásipkerlikti qoldaý qyzmetteri elimizdiń barlyq aýdan ortalyqtarynda kórsetile bastaıdy, – dedi L.Ibragımova.
Qor jetekshisi kásipkerlerdi memlekettik qoldaýdyń túrli quraldaryn paıdalaný deńgeıi arta túskenin aıtty. Eger úsh jyl buryn 135 joba boıynsha kásipkerlermen sýbsıdııa týraly shart jasalsa, bıyl 1271 joba sýbsıdııalanyp, aradaǵy 2 jylda 9 esege ósipti. Al kelesi jyly bul kórsetkish 1500-ge jetkiziledi eken. Sondaı-aq, kepildendirý sharasy boıynsha da qoldaý kórsetilip, keler jyly onyń sanyn 500-ge jetkizý kózdelipti.
Brıfıngte «Damý-Kómek» áleýmettik baǵdarlamasynyń júzege asyrylýy týraly da aıtyldy. Ol «Kómek www.damu-komek.kz» saıty arqyly kórsetiledi. Iаǵnı, osy saıt arqyly iri bıznes-qurylymdar sanalatyn áleýetti demeýshiler múgedek-kásipkerlerge kómek qolyn sozady. Al memleket ekeýiniń arasyndaǵy «altyn kópir» bolyp tabylady. Osy jyldyń jeltoqsan aıynyń basynda saıtqa múgedek kásipkerlerden 1254 tapsyrys túsip, olardyń 863-i qoldaýǵa ıe boldy. Atap aıtqanda, kómektiń osyndaı túrin alyp kásibin keńeıte bilgenderdiń qatarynda Qyzylorda, Almaty oblystarynyń turǵyndary jıi kezdesedi», dedi qor tóraıymy.
Aǵymdaǵy jyly atqarylǵan taǵy bir mańyzdy jumys, kásipkerlerge arnalǵan «Bıznes aýmaǵy» atty biryńǵaı memlekettik bıznes-portaldyń jasalýy bolypty. Onyń kómegimen kásipkerler óz isin ashýmen jáne ony júrgizýge baılanysty paıdaly aqparattar alady. Tek «Damý» qory ǵana emes, osyndaı qyzmetpen aınalysatyn barlyq qarjy ınstıtýttary jáne basqa uıymdar tarapynan kórsetiletin qoldaýlar týraly aqparattar alýǵa bolady.
Jalpy alǵanda, shaǵyn jáne orta kásipkerlik sektorynda sońǵy 4 jylda aýqymdy jumystar atqarylǵan. Onyń nátıjesin baǵdarlamaǵa qatysýshylardyń jemisti jumysynan kórýge bolady. Máselen, osy kezge deıin baǵdarlama qatysýshylary 720 mlrd. teńgeniń ónimin óndirip, jylyna 42 mlrd. teńge kóleminde memleket qazynasyna salyq tólep otyr eken.
«Qazirgi ýaqytta baǵdarlama tolyqqandy qalyptasty ári óziniń tıimdiligin dáleldedi deýimizge bolady. Al aldaǵy jumystarymyzdy budan da qarqyndy ári jemisti júrgizýimiz úshin bizge sizderdiń ıaǵnı, jýrnalısterdiń de kómegi asa qajet», – dep túıindedi sózin L.Ibragımova.
Nurbaı ELMURATOV,
«Egemen Qazaqstan».