Japonııanyń kompanııalary Qazaqstanda sıfrlandyrý jobalaryna 150 mln AQSh dollary kóleminde ınvestısııa salady, dep habarlaıdy Egemen.kz
Qazaqstannyń Japonııadaǵy Elshiliginde japondyq «Japan DX» jáne «Land Management Co. Ltd» kompanııalary arasynda Qazaqstan ekonomıkasyna 150 mln.AQSh dollary kóleminde ınvestısııa salý jónindegi kelisimge qol qoıyldy.
Taraptar aqparattyq-kommýnıkasııalyq ınfraqurylym salasyndaǵy jobalardy iske asyrýmen aınalysatyn «Japan DX KZ» birlesken kompanııasyn qurý týraly ýaǵdalastyqqa qol jetkizdi.
Qazaqstan Elshisi Erlan Baýdarbek-Qojataevtyń aıtýynsha, Qazaqstan ekonomıkasyn sıfrlyq transformasııalaýǵa japondyq kompanııalardy tartý aldyńǵy qatarly japondyq sıfrlyq tehnologııalardy engizýge baǵyttalǵan.«Japan DX KZ» aqparatqa úzdiksiz qol jetkizýge jáne kıber qaýipsizdikti qamtamasyz etýge múmkindik beretin derekterdi saqtaýǵa jáne óńdeýge arnalǵan data-ortalyqty Qazaqstanda salýdy josparlaýda.
«Astana» halyqaralyq qarjy ortalyǵynyń negizinde «Japan DX KZ» kompanııasy dástúrli aksııalardyń nemese menshik quqyqtarynyń analogy bolyp tabylatyn qaýipsizdik tokenderin shyǵarý esebinen ınvestısııalyq jobalardy iske asyrý úshin sıfrlyq platforma qurýǵa ınvestısııa salady.
Blokcheın tehnologııasy negizinde aktıvke quqyqty sıfrlyq tokenge aýystyrý úderisi Qazaqstan aýmaǵyndaǵy ınvestısııalyq jobalardy tikeleı Japonııa ınvestorlaryna usynýǵa múmkindik beredi.
Aldyńǵy ýaqytty ekonomıkany «dekorbanızasııa» strategııasy aıasynda «Japan DX KZ» jel elektr stansııalaryn salýǵa, sondaı-aq ilespe gazdan elektr energııasyn óndirýge ınvestısııa salýǵa nıetti.
«Japan DX» kompanııasynyń tóraǵasy Sodjı Sýzýkıdiń aıtýynsha, Qazaqstanda, onyń ishinde AHQO alańynda qolaıly quqyqtyq rejım qurylǵany ozyq tehnologııalardy engizý men ilgeriletýde múmkindik beredi.«Japan DX» jáne «Land Management Co. Ltd» kompanııalarynyń delegasııasy 2021 j. naýryzda jobany iske asyrý máselelerin talqylaý úshin Qazaqstanǵa sapar jasaýdy josparlap otyr.
2020 jyldyń 25 maýsymyndaǵy № 347-VI «Sıfrlyq tehnologııalardy retteý máseleleri boıynsha QR zańnamalyq aktilerine ózgerister engizý týraly» Zańǵa sáıkes, QR zańnamasyna sıfrlyq aktıvter uǵymy engizildi, sondaı-aq olardyń aınalymynyń quqyqtyq rejımi belgilendi.