Almaty qalasynda T.Q. Júrgenov atyndaǵy Qazaq ulttyq óner akademııasy men «Rýhanı jańǵyrý» qazaqstandyq qoǵamdyq damý ınstıtýty» KeAQ ózara yntymaqtastyq týraly memorandýmǵa qol qoıdy, dep habarlaıdy Egemen.kz
Memorandýmnyń negizgi maqsaty – «Rýhanı jańǵyrý» baǵdarlamasynyń iske asý qarqynyn jandandyrý, aıasyn keńeıtip, ulttyq qundylyqtarymyzdyń dáriptelýine úles qosý.
Atalǵan jıynda qos mekeme oqý, ǵylymı zertteý, shyǵarmashylyq salalaryn qamtyǵan kóptegen usynysty talqydan ótkizip, olardy birlese júzege asyrýǵa ýaǵdalasty.
Eske sala keteıik, Tuńǵysh Prezıdent – Elbasy Nursultan Nazarbaevtyń bastamasymen «Rýhanı jańǵyrý» baǵdarlamasy iske asyrylyp jatqanyna bıyl tórt jyl tolyp otyr. «Rýhanı jańǵyrý» alǵashynda maqala bolyp shyqqanymen, keıin baǵdarlama retinde qabyldandy. Sol 2017 jyldyń 26 sáýirinde onyń iske asýyn úılestiretin, qadaǵalaıtyn organ – Prezıdent janyndaǵy ulttyq komıssııa quryldy. Komıssııa qazirgi ýaqytqa deıin óziniń tıisti fýnksııasyn atqaryp keledi.