Semeı qalasynda jasóspirim júk kóliginiń astyna tústi, dep habarlaıdy Egemen.kz
Shyǵys Qazaqstan oblystyq Polısııa departamenti baspasóz qyzmetiniń málimetinshe, jol-kólik oqıǵasy 13 aqpanda saǵat 16:40 shamasynda bolǵan. Júk tıelgen KamAZ-dy tirkemesimen súırep bara jatqan Shasman júk kóliginiń júrgizýshisi Glýnkı kóshesinen aınalma jolǵa shyǵa bergende «Kóktem» saýda úıiniń janyndaǵy jaıaý júrginshiler jolaǵynan ótip bara jatqan adamdy qaǵyp ketti. Semeı qalasynyń 16 jastaǵy turǵyny oqıǵa ornynda til tartpastan qaıtys bolǵan.
«Qazirgi ýaqytta oqıǵa ornynda polısııa qyzmetkerleri jumys istep jatyr. Birqatar saraptamalar taǵaıyndaldy. Sonyń nátıjeleri boıynsha prosessýaldyq sheshim qabyldanady», dedi ShQO PD bastyǵy Saǵat Mádıev.