Budan buryn Atyraýda 5 aqpanda 30 jastaǵy Naýryz Áıtekeshevtiń joǵalyp ketkenin jazǵan edik. Ol áli tabylǵan joq, dep habarlaıdy Egemen.kz.
Oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmeti basshysynyń orynbasary Samat Qumashevtyń aıtýynsha, endi ony izdeý 15 aqpanda toqtatyldy.
«О́kinishke qaraı, izdestirý jumystarynan nátıje bolmady. On kúnde Jaıyq ózeniniń eki jaǵalaýyndaǵy eldi mekender, Atyraý qalasynyń aýmaǵy, týrıstik bazalar men qystaýlar, saıajaılar tekserildi. Sondaı-aq, qaraýsyz qalǵan qurylys nysandaryna, qudyqtar men transheıalarǵa barlaý jasaldy» deıdi Samat Qumashev.
Onyń málimetinshe, izdestirý jumysyna arnaıy kólikter, tikushaq, qyzmettik ıtteri bar kınologtar toby, eriktiler tartylypty.