ADAL partııasy elimizdiń 148 aýdany men 34 qala ákimdikterine azamattardy tolǵandyratyn problemalar týraly derekterge sáıkes jergilikti bıýdjetterdi túzetý múmkindigin qarastyrý usynysymen resmı hattar joldady. Qazaqstandyqtardyń shaǵymdary men ótinishteri kóbinese joldardyń sapasyna, uıaly baılanysqa, ınternetke qosylý, sýmen jabdyqtaýǵa jáne jumyssyzdyqqa qatysty. Sondaı-aq keı eldi mekenderdiń turǵyndary medısınalyq qyzmet kórsetý sapasyna qatysty shaǵymdanǵan.
20-qańtardan bastap elimizde ákimderdiń halyq aldyndaǵy esep berýi bastaldy, oǵan sáıkes 2021-2022 jyldarǵa arnalǵan bıýdjetter qalyptastyrylatyn bolady. ADAL partııasy ákimdikterge halyq ótinishterine qulaq asyp, bıýdjetterdi olarǵa jiberilgen ózekti problemalarǵa sáıkes qurýdy usynady.
Jańartylǵan ADAL partııasy bastapqydan turaqty ósýge baǵyttalǵan evolıýsııalyq damý jolyn belgiledi. Basty maqsat – qazaqstandyqtardyń ómir súrý sapasyn arttyrý, el turǵyndarynyń problemalaryn sheshý.
Partııa kandıdattary Respýblıka Parlamentine enbese de, óz qyzmetterin belgilengen maqsat sheńberinde jalǵastyrýda. Belsendi úgit-nasıhat kezeńi aıaqtala salysymen, partııa músheleri saılaýaldy naýqany kezinde júrgizilgen 5161 kezdesý, sonymen qatar 7mln halyqty qamtyǵan áleýmettik saýalnama barysynda jınalǵan ótinishter boıynsha jumys bastady.
Aýqymdy taldaý jumysynyń qorytyndysy boıynsha ADAL partııasy 2021 jyldyń 15-aqpanynda 148 aýdan men 34 qala ákimdikterine resmı hattar joldady, onda ár eldi mekendegi problemalar týraly aqparat bar, olardyń árqaısysy boıynsha derekter naqty kórsetilgen (mysaly, kósheler, úılerdiń nómirleri jáne t.b.).
«Biz naqty derekterdi kórsete otyryp, halyqtyń qazirgi problemalary boıynsha aqparatty qamtıtyn barlyq derekterdi jınadyq. Olardy taldap, ákimdikterge CD–tasyǵyshtarda tarttyq, óıtkeni derekder júzdegen paraqtan turady. Bul qujattyń ár beti, bıýdjetti qalyptastyrý kezinde ákimdikter tyńdaýy tıis aýdan turǵyndarynyń problemalary. Bıýdjetti úılestirý ıerarhııasy basqasha bolýy kerek. Ákimdikterdiń bıýdjetteri halyqpen kelisilýi tıis», - dedi partııa hatshysy Eldar Jumaǵazıev.
Partııanyń negizgi maqsaty – 2021-2022 jyldarǵa arnalǵan bıýdjetterdi, kórsetilgen málimettege sáıkes túzetý múmkindigine qol jetkizý. Jınalǵan aqparat ákimdikterge halyqty tolǵandyryp otyrǵan problemalardy jedel ári tıimdi sheshý úshin naqty sharalar qabyldaýǵa múmkindik beredi.
«Ýáde berý» ýaqyty 10-qańtarda ótti, sol sátten bastap naqty usynystar ýaqyty keldi. Qazirgi tańda barlyq baǵyt boıynsha jumys jasalyp, belsendi júzege asyrylýda. Partııanyń úgit-nasıhat kezeńindegi basty maqsaty halyqtyń muń-muqtajyn tyńdaý boldy. Sol sebepti 5161 kezdesý ótkizilip, 4000-nan astam ótinish jınadyq. Sonymen qatar biz úgit-nasıhat kezeńi bastalmaı turyp el arasynda áleýmettik saýalnama júrgizdik. Oǵan 2 mln-nan astam otbasy qatysty, bul shamamen 7 mln adam. Aqparatty taldaýǵa bir aıǵa jýyq ýaqyt ketti. Bul, árıne, júıeli ári tynymsyz jumys. Partııa 182 ákimdikke óz bıýdjetterin halyqtyń ótinish-tilekterin eskere otyryp qalyptastyrý týraly naqty usynys jasady», dep atap ótti Eldar Jumaǵazıev.
Mysaly, partııa sarapshylary jasaǵan taldaý nátıjesinde, Túrkistan oblysyna qarasty, Saryaǵash aýdany turǵyndarynyń 24%-y (5816 adam) sapasyz joldarǵa shaǵymdandy, aýdannyń ekinshi máselesi – aýyz sý sapasy men qamtamasyz etý máselesi. Bul týraly saýalnamaǵa qatysqan halyqtyń 23%-y (5596 adam) aıtty. Úshinshisi gazben jabdyqtaý – 8,5 % (2073 adam).
Al Solt. Qazaqstan oblysy, Ýalıhanov aýdanyndaǵy jol jaǵdaıy 1887 (57,6%) adamdy alańdatýda. Aýdanda ınternettiń de sapasy nashar, bul týraly halyqtyń 6,7%-y (220 adam) aıtty, uıaly baılanystyń joqtyǵy da ózekti - 5,8% (191adam).
Batys Qazaqstan oblysy, Aqjaıyq aýdanynyń turǵyndaryn alańdatyp otyrǵan problemalar: sapasyz joldar - 15,3% (3174 adam); ortalyq sýmen jabdyqtalmaý - 5,6% (1156 adam); jumyssyzdyq máselesi - 3,5% (730 adam).
Aqtóbe oblysy, Aıtekebı aýdanynyń turńyndaryn tolǵandyrǵan ózekti máseleler mynadaı: gazben jabdyqtalýdyń bolmaýy - 39,2% (3964 adam.), sapasyz joldar - 17,4% (1713 adam.), sapasyz ınternet - 9,2 % (986 adam.).
Qazaqstandyqtardy tolǵandyratyn basqa da problemalardyń arasynda – jedel járdemniń ýaqtyly kelmeýi, trotýarlardyń, dárihanalardyń, meshitterdiń bolmaýy sekildi máseleler bar.