Atyraý oblysyndaǵy «Teńiz» ken ornynan ótken jyly óndirilgen munaı kólemi 26,5 mıllıon tonnany qurady.
«Teńizshevroıl» kompanııasynyń bas dırektory Kevın Laıonnyń aıtýynsha, bul ken elimizde óndirilgen «qara altynnyń» 35 prosentin qurap otyr.
«Ken ornynda úsh jyl buryn qolǵa alynǵan Keleshek keńeıý – Uńǵyma erneýindegi qysymdy basqarý jobasynyń 80 prosenti aıaqtaldy. Baǵdarlama sheńberinde «Teńizge» túrli halyqaralyq aılaqtan 408 aýqymdy modýldi júk jetkizildi. Ken ornyndaǵy óndiristik qyzmetterge baılanysty qorshaǵan ortaǵa áserdi azaıtýǵa baǵyttalǵan jobalarǵa 3,1 mıllıard AQSh dollarynan astam qarjy jumsaldy» dedi bas dırektor Kevın Laıon.
Sondaı-aq kompanııanyń el bıýdjetine tikeleı tólemderi 6,6 mlrd AQSh dollarynan asty. Kásiporyn jergilikti qamtýshylardan 3,5 mlrd AQSh dollaryn quraǵan otandyq taýarlar men qyzmetterdi satyp alypty. Onyń 2,4 mlrd AQSh dollary Keleshek keńeıý – Uńǵyma erneýindegi qysymdy basqarý jobasyna jumsalyp otyr.