Almaty qalasyndaǵy mektepte atys uıymdastyrǵan aıypty qamaldy. Bul týraly Tengrinews.kz tilshisi habarlady.
Mektep dırektorynyń kabınetinde burynǵy erli-zaıyptylar bir-birimen janjaldasyp, sońy tapanshadan oq atýǵa ákelip soqty. Osy keleńsizdikten eki adam zardap shekken.
Almaty qalalyq soty baspasóz qyzmetiniń deregine júginsek, Babazov esimdi azamat mektepte atys jasaǵany úshin sot qaýlysymen tutqyndalǵan. «Áýezov aýdandyq soty Babazovty ýaqytsha qamaý abaqtysyna otyrǵyzý týraly qylmystyq is qarady. Jalpy, mektepte bolǵan atys kezinde meniń nemere baýyrym Qurbanovtyń basyna oq tıip, bassúıegine zaqym keldi. Sondaı-aq meniń advokatym Smaǵulovty Babazov soqqyǵa jyqty», - deıdi kináliniń burynǵy jubaıy Maınura Tagırova.
Mektepte oq atqan aıyptynyń 12 jasar qyzdyń ákesi ekeni málim boldy. Ol burynǵy áıelimen bilim ordasynyń basshysy kózinshe urysqan. M. Tagırova qyzy men kúıeýiniń arasyndaǵy túsinbeýshilikke baılanysty jazylǵan aryzǵa oraı mektepke shaqyrylǵandaryn aıtady. Biraq, sol jerde olar bir-birimen túsinise almaǵan. Yzalanǵan erkek qaltasynan travmatıkalyq tapansha shyǵaryp, oń men solǵa atypty...
Baqytbek Keneshuly.
Derekkóz: Tengrinews.kz
Foto: Munara.kz