Pavlodar oblysynyń ákimi Qanat Bozymbaevtyń ókimimen jáne Prezıdent Ákimshiliginiń kelsimimen Ǵanı Qalybaıuly Sádibekov oblys ákiminiń orynbasary bolyp taǵaıyndaldy. Bul týraly oblys ákiminiń baspasóz qyzmeti habarlady.
Ǵ.Sádibekov 1967 jylǵy 23 qazanda týǵan. Almaty halyq sharýashylyǵy ınstıtýtyn, qyrǵyz memlekettik ulttyq ýnıversıtetin bitirgen. Mamandyǵy – ekonomıst, zańger.
Ǵ.Sádibekov eńbek jolyn Almaty oblysy Uzynaǵash aýdanyndaǵy «Salqyn saz» kooperatıvinde bastaǵan. Almaty qalasy Sovet aýdandyq ákimshiliginiń sharýashylyq esep qyzmetiniń dırektory, ınfraqurylymdy damytý jáne áleýmettik sala bóliminiń meńgerýshisi, al 1997-2002 jyldary Almaty qalasy Áýezov aýdany ákimi apparatynyń meńgerýshisi, aýdan ákiminiń orynbasary, 2002-2088 jyldary Almaty qalasy ónerkásip jáne saýda departamenti bastyǵynyń orynbasary, Almaty qalalyq aýmaqtyq qorshaǵan ortany qorǵaý basqarmasynyń bastyǵy, Almaty qalasynyń bas memlekettik ekologııalyq ınspektory qyzmetterin atqarǵan.
Ǵ.Sádibekov 2008-2009 jyldary Qorshaǵan ortany qorǵaý mınıstrligi Balqash-Alakól ekologııa departamenti bastyǵynyń orynbasary boldy. 2009-2010 jyldary – Jambyl oblysy ákimi apparatynyń jetekshisi bolsa, 2010 jylǵy jeltoqsannan – oblys ákiminiń orynbasary.
Baqytbek Keneshuly.
Derekkóz: Pavlodar oblysy ákiminiń baspasóz qyzmeti
Foto: Pavlodar oblysy ákiminiń resmı saıty