26 aqpanda Nıgerııanyń soltústiginde urlanǵan 317 mektep oqýshysy búgin, jeksenbide bosatyldy, dep habarlaıdy Egemen.kz nıgerııalyq Vanguard gazetine silteme jasap.
Qyzdar qazirgi ýaqytta jolda, Zamfara shtatynyń ákimshilik ortalyǵy Gýsaý qalasyna bara jatyr, dep atap ótken basylym. Olar úshin tólem tólengeni nemese tólenbegendigi týraly derekter joq.
Oqýshylardy Djangebe qalasyndaǵy qyzdarǵa arnalǵan memlekettik orta mektep - ınternattan urlap áketken. Federaldyq qaýipsizdik kúshteriniń bólimsheleri men polısııa sońǵy úsh kún boıy tynymsyz izdestirý jumystaryn júrgizdi. Sonymen qatar shtattyń bılik organdary qyzdardy qutqarý maqsatynda jergilikti qaýym ókilderimen kelissózder júrgizip otyrǵan.