Ulttyq banktiń Aqsha-kredıt saıasaty departamentiniń dırektory Jandos Shaımardanov iskerlik belsendilik ındeksi aqpan aıynda 49,0-den 0,6 tarmaqqa kóterilgenin habarlaıdy, dep jazady Egemen.kz
Eń úlken ósim qyzmet kórsetý salasynda tirkeldi, onda ındeks qańtardaǵy 47,4-ten 49,2-ge deıin ósti. Qurylysta ındıkator 47,4 deıin tómendedi (qańtarda 51,1), ónerkásipte – 49,0 deıin (qańtarda 49,4).
Aımaqtar boıynsha kásipkerlik belsendiliktiń aqpan aıyndaǵy kórsetkishteri Soltústik Qazaqstan oblysynda (54,0) jáne Nur-Sultanda (52,5) jaqsaryp, Túrkistan oblysynda tómendedi (42,6).
Aqpan aıynda naqty sektordaǵy kásiporynda bıznes júrgizýdiń aǵymdaǵy jaǵdaıy beıtarap dep baǵalandy. Jalpy alǵanda, saýalnama derekteri boıynsha, ınfraqurylym, qarjy men nesıege qol jetkizý jáne bıznesti qorǵaý isi jaqsarǵany belgili boldy. Solaı bola tura, ónimge/qyzmetke suranys jáne salyq aýyrtpalyǵy kásipkerlik ortaǵa keri áser etetin faktorlar bolyp qala beredi.
Kásiporyndardyń aldaǵy 6 aıdaǵy kútýleri anaǵurlym optımıstik kózqarasta: bolashaq jaǵdaılardy baǵalaý – 24,0-ti qurady. Nátıjesinde iskerlik ahýal ındeksi aqpanda qańtardaǵy 6,0-ge qarsy 11,9 boldy.
2021 jyly aqpanda saýalnamaǵa 457 kásiporyn qatysty: qurylys salasynda – 66, ónerkásipte – 175, qyzmet kórsetýde – 216.