Bizdiń aldymyzda eki mańyzdy shara bar. Biri – halyqaralyq áıelder kúni de, ekinshisi – «100 jańa esim» jobasynyń IV maýsymy
О́zderińiz biletindeı, qazir atalmysh baıqaýdyń alǵashqy (ótinim qabyldaý) kezeńi júrip jatyr.
Alda aıtyp ótkenimizdeı, halyqaralyq áıelder kúni qarsańynda «100 jańa esim - 2021» jobasyna qatysýǵa ótinish bildirgender arasynda Qazaqstandyq 5 arý da bar. Sonymen, ázirge tirkelgen 250-den asa qatysýshynyń arasynda erekshe kózge túsken, buǵan deıin de halyq qoshemeti men alǵysyna ıe bolǵan bestik:
Edılbaeva Indıra – 2015 jyly ótken «Qazaqstan Daýysy» jobasynyń, 2020 jyly Ýkraınada ótken «Golos Strany» jobasynyń fınalısti. Qazaqstandyq ánshi.
Ardana Botaı – aǵa leıtenant. Sý-30SM joıǵysh ushaǵyn tizgindegen álemdegi jalǵyz qyz. Sondaı-aq, Ardana Botaı An-26, L-39 jáne Sý-30SM ushaqtaryn da ıgergen.
Áıgerim Raqysh – tanymal ánshi. Qazirgi tańda Áıgerimniń repertýarynda 30-ǵa jýyq án bar. Mýzykalyq syılyqtar rásiminde «Jyl serpilisi» marapatyn ıelengen (Eurasian Music Awards, EMA 2017). 2018 jyly «I'm a Singer Kazakhstan» jobasynyń ekinshi maýsymynyń fınalısi boldy.
Aınur Tóleý – «Otqaraq» kitabynyń, «Ádebıet pen adamzat» telebaǵdarlamasynyń avtory. Beıimbet Maılın atyndaǵy medaldiń, «Abaı» mereıtoılyq medaliniń ıegeri.
Súleımenova Álııa – ITF taekvondo boıynsha Qazaqstan Respýblıkasynyń halyqaralyq dárejedegi sport sheberi. Eki dúrkin álem chempıony. Azııa chempıony. Álem kýbogynyń jeńimpazy.
Barlyq qatysýshylarǵa sáttilik tileımiz. Jeńis tuǵyrynda myqtylar kezigerine kámil senimdimiz! Mereke qutty bolsyn!