Shymkent qalasyndaǵy fýrnıtýramen aınalysatyn «KAZPLAST» kompanııasynyń negizi 2006 jyly qalanǵan. Sol jyldan bastap tigin fýrnıtýrasyn, atap aıtqanda túımelerdi, fıksatorlar men karabınderdi óndirýmen jáne satýmen aınalysyp keledi, dep habarlaıdy Egemen.kz
Kompanııa 9 jyl kóleminde túrli pishindegi túımelerdi tapsyrysqa tigip, satýǵa shyǵardy.
Alǵashynda tek áskerı jáne arnaıy kıimderge arnalǵan túımelerdiń birneshe túri men pishinderin shyǵardy. Sebebi túımelerdiń óndirisi eski ádis boıynsha, ıaǵnı túımelerdiń túrli pishinderi men ólshemderi úshin jekelegen press-pishinderdi qoldaný arqyly óndirildi. Bul mekeme úshin qosymsha shyǵyndar bolatyn. Olardy daıyndaý da uzaq ýaqytty alady.
Osy tusta kásiporyn túımeler óndirisine ınnovasııalyq tehnologııalardy engizý týraly sheshim qabyldaıdy. Jańa damý deńgeıine shyǵý, taýar alýshylar sanyn arttyrý, halyqaralyq naryqta básekege qabiletti bolý maqsatynda ıtalıandyq túımelerdi óndiretin qural-jabdyqtardy satyp alýdy kózdeıdi.
Memlekettik qoldaýmen «Damý» qory arqyly nesıe alyp, jabdyqtardy satyp alady. Jańa qural-jabdyqtar keń assortımentte jeıde, kóılek, palto, kúrtesheler úshin, sondaı-aq arnaıy kıimder úshin túımeler shyǵarýǵa múmkindik berdi. «KAZPLAST» kompanııasy «joǵary sapa - qol jetimdi jáne tez» uranymen jumys jasaıdy. Ondaǵy qurastyrýshy tehnologtar kóp jyldyq eńbek ótilimen óndiristiń barlyq syrlaryn meńgergen jáne iske shyǵarmashylyqpen qaraıdy.
Sonymen qatar, kompanııanyń basshysy tabysty kásipker, ári eki balanyń anasy Dana Jumabaeva óz kásibiniń aıasyn únemi keńeıtip otyrýdy jón kóredi. «Búgingi tańda memlekettik baǵdarlamalar óte kóp. Qazirgi ýaqyt - naǵyz sol qoldaýdy paıdalana otyryp, kásip ashyp, ony dóńgeletetin kezeń. Memleket tarapynan berilgen qoldaý maǵan da batyl sheshim qabyldaýyma kómektesti» deıdi kompanııa basshysy.
Shymkent qalasy ákimdiginiń baspasóz qyzmeti