SQO polıseıleri Qostanaı oblysynyń Rýdnyı qalasynda tonaý jasaǵany úshin sottalyp, bas bostandyǵynan aırylǵan 39 jastaǵy turǵyn jazadan qashyp ketken eken. Oǵan rýdnyılyq polısııa memleketaralyq izdeý salady. Qashqyn Petropal qalasynyń týmasy bolǵandyqtan soltústikqazaqstandyq polıseıler qylmyskerdiń júrýi múmkin jerlerin muqııat tekserdi. Jedel-izdestirý is-sharalary barysynda onyń júrgen jeri anyqtaldy, dep habarlaıdy Egemen.kz.
Er adam tanys áıeldiń úıinde jasyrynyp, spırttik ishimdikter iship otyrǵan kezinde ustaldy. Qazir ol ýaqytsha qamaý ızolıatorynda. «Izdeýdegi adam túrli qylmys jasaǵany birneshe ret isti bolǵan. Oǵan Qylmystyq kodekstiń 44-baby - «Bas bostandyǵyn shekteý» boıynsha shartty jaza berilgen, alaıda ol jazanyń talaptaryn oryndamaı qashyp ketken. Endi jazasy bas bostandyǵynan aıyrýǵa aýystyrylady. Jyl basynan oblys aýmaǵynda 4 qylmyskerge izdeý jarııalandy, onyń 2-ýi ustaldy. Budan bólek Qazaqstannyń basqa óńirleri úshin 3 qylmyskerdi ustady, sonshama RF úshin de ustaldy», - dedi SQO Polısııa departamenti bastyǵynyń orynbasary, polısııa polkovnıgi Rýslan Nazarov.