Jylyoı aýdandyq polısııa bóliminiń qyzmetkerleri Qulsary qalasynda júrgizgen jedel is-shara kezinde eki kúdiktini ustady. Ustalǵandar 15 páterdi tonady degen kúdikke ilingen, dep habarlaıdy Egemen.kz
«Is-shara kezinde páter urlyǵy qylmysyna kúdikti 1995 jáne 1994 jyly týǵan eki turǵyn ustaldy. Olar – Qulsary qalasynyń turǵyndary. Tekserý kezinde kúdiktilerdiń Jylyoı aýdanynda tirkelgen 15 páter urlyǵyna qatysy bary anyqtaldy. Sondaı-aq, kúdiktilerden altyn buıymdar men elektrondyq tehnıkalar tabylyp, tárkilendi», dep habarlady oblystyq polısııa departamentiniń baspasóz qyzmetinen.
Qazir ustalǵan kúdiktilerge qatysty QR Qylmystyq Kodeksiniń 188-baby, 3-tarmaǵymen sotqa deıingi tergeý bastaldy.