Tekserý nátıjesi kórsetkendeı, 60 tonna kartopqa fıtosanıtarlyq sertıfıkat Kedendik odaq pen EAEO normalaryna sáıkes rásimdeldi, dep habarlaıdy QR Aýyl sharýashylyǵy mınıstrliginiń baspasóz qyzmeti
Bıyl 16 naýryzda QR Aýyl sharýashylyǵy mınıstrliginiń atyna veterınarlyq jáne fıtosanıtarlyq qadaǵalaý jónindegi Federaldyq qyzmettiń (Rosselhoznadzor) Aqtóbe oblysynyń fıtosanıtarlyq sertıfıkatymen Reseı Federasııasynyń aýmaǵyna sanksııalyq ónim jetkizý deregin anyqtaý týraly hat kelip tústi.
Osyǵan baılanysty QR Aýyl sharýashylyǵy mınıstrliginiń Agroónerkásiptik keshendegi memlekettik ınspeksııa komıteti Aqtóbe oblysyndaǵy aýmaqtyq ınspeksııaǵa hat joldap, olardyń 2 naýryzda Reseı Federasııasynyń «RýsEvroplant» AQ-na jiberý úshin «Kazeuroplant LLP» JShS-ne 60 tonna kartoptyń fıtosanıtarııalyq sertıfıkatyn bergenin anyqtady.
Aıta ketý kerek, mundaı qujatty resimdegende onyń EEK Keńestiń 2016 jylǵy 30 qarashadaǵy №159 sheshimimen bekitilgen Keden odaǵy komıssııasynyń № 318 sheshimine jáne EAEO kedendik aýmaǵynda ósimdikter karantınin qamtamasyz etýdiń biryńǵaı qaǵıdalary men normalarynyń talaptaryna sáıkestigi qatań qadaǵalanady.
Qazirgi ýaqytta QR Aýyl sharýashylyǵy mınıstrliginiń Agroónerkásiptik keshendegi memlekettik ınspeksııa komıteti atalmysh derekti tekserý jumystaryn jalǵastyrýda. Onyń nátıjesi qosymsha jarııalanatyn bolady.