Parlament Májilisi «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrý engizý týraly» zań jobasyn talqylaıdy, dep habarlaıdy Egemen.kz
Májilistiń Agrarlyq máseleler komıtetiniń tóraǵasy Erlan Barlybaev palatanyń jalpy otyrysynda: «Zań jobasy Qazaqstan Prezıdenti Qasym-Jomart Toqaevtyń zań shyǵarý bastamasy tártibimen engizildi. Zań jobasyn qabyldaýdyń maqsaty – sheteldikterdiń, azamattyǵy joq adamdardyń, sheteldik zańdy tulǵalardyń, sheteldik qatysýy bar Qazaqstan Respýblıkasy zańdy tulǵalarynyń, halyqaralyq uıymdardyń, sondaı-aq halyqaralyq qatysýy bar ǵylymı ortalyqtardyń aýyl sharýashylyǵy maqsatyndaǵy jer ýchaskelerin jekemenshik quqyǵymen jáne ýaqytsha jer paıdalaný quqyǵymen ıe bolýyna tyıym salýdy engizý», dep aıtyp ótti.
Osy oraıda depýtat Agrarlyq máseleler komıteti atalǵan zań jobasy boıynsha qorytyndy ázirleýge daıyn ekenin atap ótti. Eske sala keteıik, jaqynda Prezıdent Qasym-Jomart Toqaev jerdi sheteldikterge satýǵa birjola tyıym salýdy kózdeıtin zań jobasyn Májiliske joldaǵanyn aıtqan edi.