Qazaqstanda 2020 jyldyń tórtinshi toqsanynda árbir úıde azyq-túlikke jumsalatyn shyǵyndar ortasha eseppen 319,4 myń teńgeni qurady, bul ótken jyldyń sáıkes kezeńimen salystyrǵanda 15,8% artyq. Azyq-túlikke ketetin shyǵynnyń úlesi tutynýshylardyń barlyq shyǵynynyń 52,7% qurady, bul ótken jyly 49,2% bolǵan, dep habarlady ranking.kz.
Azyq-túlikke eń kóp shyǵyndalatyn turǵyndar Atyraý oblysynda (2020 jyldyń tórtinshi toqsanynda 404,7 myń teńge), Túrkistan oblysy (393,2 myń teńge) jáne Qyzylorda oblysy (383,6 myń teńge). Azyq-túlikke jumsalatyn shyǵynnyń kóp bóligi et pen et ónimderine jumsalady – 18,6% tıesili. Taǵy 7,8% nan jáne jarma ónimderine, 5,2% sút jáne sút ónimderine tıesili.
2020 jyldyń tórtinshi toqsanynda árbir qazaqstandyq ortasha eseppen 21,3 keli et jáne et ónimderin, 35,5 keli nan-toqash ónimderi men jarma, 63,4 kg sút jáne sút ónimderin tutyndy. Jalpy, 2020 jyly árbir qazaqstandyq orta eseppen 83,9 kg et jáne et ónimderin tutynǵan. Eń joǵary tutyný Qaraǵandy men Aqmola oblystarynda baıqaldy – jan basyna shaqqanda orta eseppen 101,7 jáne 100,7 kg. 2020 jyldyń qańtar-jeltoqsanynda azyq-túlik baǵasy 2019 jyldyń qańtar-jeltoqsanymen salystyrǵanda 10,6% ósti.
Baǵanyń edáýir ósýi elordada jáne Pavlodar oblysynda (11,2%), sondaı-aq Shymkentte (11,1%) baıqaldy. Et jáne et ónimderiniń baǵasy Nur-Sultanda 12,7%, Pavlodar oblysynda 11,2%, Shymkentte 10,9% ósti. Qazaqstanda et jáne et ónimderi ortasha eseppen 12,1% qymbattady.