Búgin, onlaın-formatta «Aýylda azamattyq bastamalardy damytýǵa baǵyttalǵan is-sharalar keshenin uıymdastyrý» áleýmettik jobasy týraly brıfıng ótti. Joba "Azamattyq bastamalardy qoldaý ortalyǵy" men QR AQDM qoldaýymen júzege asyrylýda, dep habarlaıdy Egemen.kz
Is-sharaǵa QR AQDM Azamattyq qoǵam isteri komıtetiniń tóraǵasy Madııar Qojahmet, «Azamattyq bastamalardy qoldaý ortalyǵy» basqarma tóraǵasy Lıma Dıas, «Aqtóbe oblysynyń úkimettik emes uıymdar Qaýymdastyǵy» ZTB grant alýshylardyń Prezıdenti Aıgúl Dúısenova, sondaı-aq jobanyń sarapshylary men menedjerleri qatysty.
M.Qojahmet grant alýshylarǵa sáttilik tilep, bıylǵy jyl - el Táýelsizdiginiń 30 jyldyǵyn atap ótti, sondyqtan ÚEU-ǵa memlekettik granttar bólý boıynsha memleket júrgizip jatqan jumystardyń erekshe máni bar.
Lıma Dıas aýyldaǵy bastamalardy qoldaý salasyndaǵy azamattyq bastamalardy qoldaý ortalyǵynyń qyzmeti týraly aıtyp, bylaı dedi: «О́tken jyly GQO jobalary aıasynda elimizdiń barlyq óńirlerinde túrli jobalar iske asyryldy. Aǵymdaǵy jyly biz aýyl turǵyndaryn qoldaýdy jalǵastyramyz. Bul joba aýyldyq aýmaqtardy damytýǵa oń úles qosatynyna senimdimin», dedi L.Dıas.
О́z kezeginde Aıgúl Dúısenova grant alýshynyń aldynda turǵan joba, maqsattar men mindetter týraly aıtyp berdi.
Brıfıng barysynda 500 myń teńgeden 60 shaǵyn grant bólý arqyly aýyldyq bastamalardy damytý jáne aýyl halqynyń sıfrlyq, qarjylyq saýattylyǵyn arttyrý salasyndaǵy kóshbasshylardy anyqtaý josparlanyp otyrǵany aıtyldy.
Granttar 5 baǵyt boıynsha bólinedi:
«Aýyl halqynyń sıfrlyq saýattylyǵy»,
«Aýyl halqynyń qarjylyq saýattylyǵy»,
«Bilim berý salasynda shet tilderin bilý deńgeıin arttyrý»,
«Densaýlyq saqtaý salasynda shet tilderin bilý deńgeıin arttyrý»,
«Dene shynyqtyrý jáne sport salasynda shet tilderin bilý deńgeıin arttyrý».