Ádilet mınıstri R.Túsipbekovtiń tóraǵalyq etýimen penıtensıarlyq júıeniń aǵymdaǵy jylǵy I toqsandaǵy jumysynyń qorytyndysy talqylanyp, atalmysh saladaǵy problemalar men olardy sheshý joldary qaralǵan otyrys bolyp ótti.
Keńeste sottalǵandardy shartty túrde merziminen buryn bosatý kezindegi zańdylyqtyń jaı-kúıi, medısınalyq qyzmettiń jumysyn uıymdastyrý, qylmystyq-atqarý júıesindegi sybaılas jemqorlyqqa qarsy is-qımyldyń tıimdiligi jáne basqa da ózekti máseleler talqylandy.
Ádilet mınıstri Qylmystyq-atqarý júıesi komıtetiniń basshylyǵyna qylmystyq-atqarý júıesi qyzmetkerlerine ataq berý, laýazymǵa qabyldaý jáne taǵaıyndaý máselesinde aıqyndyq pen shynaıylyqty qamtamasyz ete otyryp, kadr jumysyn muqııat reglamentteý, sottalǵandardyń shartty túrde merziminen buryn bosatý jáne taǵaıyndalǵan jazany jeńildetý úshin ótinishpen sotqa derbes ári tikeleı júginýin kózdeıtin zań jobasyn ázirleý prosesin tezdetý jóninde tapsyrma berdi. Sonymen qatar, Rashıd Túsipbekov qonys-kolonııalary jumysynyń jáne olarǵa sottalǵandardy túzeý mekemelerinen aýystyrýdyń qoldanystaǵy tártibiniń tıimdiligin zerdeleýdi tapsyrdy.