2021 jylǵy 3 sáýirde Qazaqstan Respýblıkasynyń Tótenshe jaǵdaılar vıse-mınıstri M.M. Kúldikovtyń tóraǵalyǵymen beınekonferensııalyq baılanys rejıminde 2021 jylǵy sý tasqyny kezeńiniń ótýi máselesi boıynsha jumys keńesi ótti. Oǵan Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystary Tótenshe jaǵdaılar departamentteriniń basshylary qatysty, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Keńes barysynda óńirlerdegi sý tasqyny ahýaly, júrgizilip jatqan profılaktıkalyq is-sharalar, sondaı-aq bar problemalyq máseleler týraly departament basshylarynyń baıandamalary tyńdaldy.
Vıse-mınıstr M.M. Kúldikov sý tasqynyna baılanysty kóktemgi tótenshe jaǵdaılardy boldyrmaýǵa jáne olardyń qaýip-qaterlerin azaıtýǵa baǵyttalǵan birqatar tapsyrma berdi.