Atyraýda jolaýshylar avtobýsy aýdarylyp, 8 adam zardap shekti, dep habarlaıdy Egemen.kz oblystyq polısııa departamentiniń baspasóz qyzmetine silteme jasap.
Áleýmettik jelide Jylyoı aýdanyndaǵy «Teńiz-Qulsary» jolynda «PAZ» avtobýsy men KamAZ» kóliginiń soqtyǵysqany týraly vıdeo tarady. Oqıǵaǵa qatysty polısııa departamenti ókilderi túsinikteme berdi.
«KamAZ» kóligi qarsy jolaqqa shyyp ketip, 11 jolaýshysy bar avtobýs aýdarylǵan. Oqıǵa saldarynan 8 adam zardap shekti. Olarǵa medısınalyq kómek kórsetildi. Avtobýs júrgizýshisi aýrýhanada jatyr. Qazir atalǵan derekke qatysty QR Qylmystyq Kodeksiniń 345-babynyń 1-bóligimen tergeý júrgizilip jatyr», delingen habarlamada.