Dinı basqarmanyń О́skemen aımaǵy ókildigi «Zeket jáne qaıyrymdylyq qorynyń» úılestirýimen «Taıqazan» jobasynyń aıasynda qasıetti Ramazannyń alǵashqy kúninderinde-aq 600 otbasyna qaıyrymdylyq jasady, dep habarlaıdy Egemen.kz.
– Qasıetti Ramazan aıynda qaıyrymdylyq is-sharasyn úzdiksiz ótkizýdi josparlap, osy baǵyt boıynsha júıeli sharalar uıymdastyryp jatyrmyz. Bul ıgi iske aýdan, qala meshitteri, erikti jastar, jamaǵat ókilderi, jalpy din qyzmetkerleri asa belsendi qatysýda, – deıdi О́skemen aımaǵy «Zeket jáne qaıyrymdylyq qorynyń» jaýapty ókili Berik Kádiruly.
Ramazannyń alǵashqy aptasynda óńirdegi qaıyrymdylyqty taldap qaraıtyn bolsaq, bir shákirttiń oqý aqysy tólendi jáne «qoldan qolǵa» jobasymen 15 adamǵa zeket taratyldy. Sonymen qatar Ulan aýdandyq «Musa baba» meshiti qarttar úıine úlken kómek kórsetti. Shyǵys Qazaqstan oblysy Kókpekti aýdanynda eki iri qara, úsh qoı qurban shalynyp, eti taratyldy. Igi shara aldaǵy ýaqytta da júıeli túrde jalǵasyn tabady.