29 sáýirde Qazaqstannyń birneshe oblysynda aýa raıy kúrt ózgeretin bolady, dep habarlaıdy Egemen.kz «Qazgıdrometke» silteme jasap.
Soltústik Qazaqstan oblysynyń keı jerlerinde tuman kútiledi. Ońtústik-batystan soqqan jeldiń jyldamdyǵy sekýndyna 15-20 metr.
Kúndiz Aqmola oblysynda sekýndyna 15-20 metr jyldamdyqpen batystan jáne soltústik-batystan jel soǵady dep kútilýde.
Al 29-30 sáýirde Qaraǵandy oblysynda naızaǵaı kútiledi, 30 sáýirde kúndiz burshaq jaýýy múmkin.
Sol kúni tańerteń jáne tústen keıin Qyzylorda oblysynda soltústik, soltústik-shyǵys jel sekýndyna 15-20 metr jyldamdyqta saqtalady.
Qostanaı oblysynda keı jerlerde naızaǵaı oınap, tuman kútiledi.
Qyzylorda oblysynyń keı jerlerinde naızaǵaı kútiledi. Tańerteń jáne kúndiz burqasyn jel kútiledi.