Almaty qalalyq №8 emhanasynyń bas dárigeri, Qoǵamdyq densaýlyq saqtaý basqarmasynyń Almaly aýdandyq medısınalyq birlestiginiń úılestirýshisi Farıda Aǵybaeva onlaın brıfıng barysynda qala meshitterinde ekpe salý pýnkti ashylǵanyn málim etti, dep habarlaıdy Egemen.kz
Farıda Aǵybaevanyń aıtýynsha, qazir qalada ekpe salatyn 211 pýnkt jumys istep jatyr. Sondaı-aq 40 kóshpeli mobıldi brıgada bar.
«Qalqaman» aýmaǵyndaǵy jáne «Nur» meshitine kelýshilerge vaksınasııa pýnktteri ashylyp, jumys istep jatyr. 30 sáýirge deıin «Mýzammıl», «Ál-Mádına», «Abdýlla», «Almaty ortalyq meshiti» meshitteriniń aýmaǵynda taǵy da birneshe pýnktter ashý josparlanýda. «Almaty ortalyq meshitiniń» vaksınasııalaý pýnkti jyljymaly jáne ujymdyq qyzmet kezinde jumys isteıdi. Sondaı-aq, «Voznesensk Kafedraldy shirkeýi» men «Hram Hrısta Spasıtelıa» shirkeýinde ashyldy, olar jeksenbi kúni de jumys isteıdi», dedi Farıda Aǵybaeva.
Búgingi tańda egý pýnktterinde medısına qyzmetkerlerine medısınalyq joǵary oqý oryndary men kolledjderdiń eriktileri kómektesip jatyr.