Búgin Halyqaralyq Túrki akademııasynyń prezıdenti Darhan Qydyráli Qyrǵyz Respýblıkasynyń Syrtqy ister mınıstri Rýslan Kazakbaevpen telefon arqyly sóılesti, dep habarlaıdy Egemen.kz Halyqaralyq Túrki akademııasynyń baspasóz qyzmetine silteme jasap.
Áńgimelesý barysynda Akademııa basshysy Batkendegi qaıǵyly oqıǵaǵa baılanysty taǵy da kóńil aıtyp, qashanda baýyrlas qyrǵyz eliniń janynda ekenin jetkizdi.
Sondaı-aq Darhan Qydyráli Syrtqy ister mınıstrin búgingi Qyrǵyz Respýblıkasynyń Konstıtýsııasy kúnimen jáne eldiń referendým arqyly qabyldanǵan jańa Ata zańy boıynsha prezıdenttik basqarý júıesine ótýimen quttyqtady.
О́z kezeginde Rýslan Kazakbaev Batkendegi ahýal jóninde málimet berip, bildirgen qoldaýy men quttyqtaýy úshin Akademııa basshysyna alǵys aıtty.