QR Premer-Mınıstri Asqar Mamın otandastarymyzdy Jeńis kúnimen quttyqtady, dep habarlaıdy Egemen.kz
«Qurmetti qazaqstandyqtar, Sizderdi Uly Jeńis kúnimen quttyqtaımyn! Bul – Qazaqstan halqy úshin asa qasterli merekelerdiń biri.
Bul kúni biz qasıetti Otanymyzdy qasyq qandary qalǵansha qorǵap, keıingi urpaqqa jarqyn bolashaq pen beıbit ómir syılaǵan ákelerimizdiń, ata-babalarymyzdyń batyrlyǵy men qaısarlyǵyna qurmet kórsetemiz, jeńimpaz maıdangerler men tyl eńbekkerleriniń aldynda shynaıy qurmetpen jáne rızashylyqpen basymyzdy ıemiz.
Jyl saıyn ardagerlerimizdiń qatary sırep barady. Bizdiń paryzymyz – olarǵa barynsha kóńil bólip, qamqorlyq kórsetý, qaharman batyrlarymyzdyń tarıhqa aınalǵan erlikterin keler urpaqqa jetkizý. Uly Jeńistiń jańǵyryǵy bizdiń júregimizde máńgi saqtalady. Qazaqstannyń kóginde árdaıym beıbit kúnniń jalaýy jelbiresin!
Qymbatty ardagerlerimizge myqty densaýlyq, órshil rýh, týǵan-týystary men jaqyndaryna baqyt, balalary men nemerelerine qýanysh tileımin! Qazaqstan Respýblıkasynyń Premer-Mınıstri Asqar Mamın».