Syrtqy ister mınıstrliginde Qazaqstan men Ispanııanyń syrtqy saıası vedomstvolary arasynda kezekti saıası konsýltasııalar ótti, dep habarlaıdy Egemen.kz SIM baspasóz qyzmetine silteme jasap.
Is-shara aldynda ıspan delegasııasynyń basshysy Ispanııa Koroldiginiń Syrtqy ister, Eýropalyq odaq jáne yntymaqtastyq mınıstrliginiń Memlekettik hatshysy Krıstına Gaıakty Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi qabyldady. Kezdesý barysynda ekijaqty qarym-qatynastardyń birqatar ózekti máseleleri men halyqaralyq kún tártibi boıynsha pikir almasyldy.
Syrtqy ister mınıstriniń orynbasary Erlan Álimbaevtyń jáne K.Gaıaktyń tóraǵalyǵymen ótken saıası konsýltasııalar barysynda taraptar saıası, saýda-ekonomıkalyq, mádenı-gýmanıtarlyq jáne basqa da salalardaǵy yntymaqtastyqtyń qazirgi jaı-kúıi men odan ári damý perspektıvalaryn talqylady. Sondaı-aq COVID-19 pandemııasynyń eki eldiń ekonomıkasyna áseri jáne onyń jaǵymsyz saldaryna qarsy sharalardy qarastyrdy.
Nur-Sultan men Madrıdtiń kópjaqty formattaǵy ózara is-qımyly kelissózderdiń jeke taqyryby boldy. Taraptar Qazaqstannyń Eýropalyq odaqpen, onyń ishinde QR men EO arasyndaǵy Keńeıtilgen áriptestik pen yntymaqtastyq týraly kelisim sheńberindegi ózara is-qımylyn talqylady.
Kelissózder nátıjesi boıynsha joǵarǵy jáne asa joǵary deńgeılerdegi baılanystardy jáne parlamentaralyq yntymaqtastyqty jandandyrý, shart-quqyqtyq bazany keńeıtý, eki memleket arasyndaǵy saýda-ekonomıkalyq, ınvestısııalyq jáne mádenı-gýmanıtarlyq baılanystardy tereńdetý týraly ýaǵdalastyqtarǵa qol jetkizildi.