Qazaqstandaǵy McDonalds kompanııasynyń bas dırektory Áset Mashanov Atyraý qalalyq ákimdigine erekshe qajettiligi bar adamdarǵa arnalǵan eki avtokóliktiń kiltin tabystady, dep habarlaıdy Egemen.kz.
«Volkswagen Crafter Kasten» markaly shaǵyn avtobýstar múmkindigi shekteýli jandardy tasymaldaýǵa arnalǵan. Kólikter qajetti talaptar men standarttarǵa sáıkes keledi. Avtobýstarda arbalarǵa arnalǵan arnaıy kótergish ornatylǵan. Kólikter qalalyq jumyspen qamtý, áleýmettik baǵdarlamalar jáne azamattardyń hal aktilerin tirkeý bóliminiń teńgerimine berildi», dep habarlady qalalyq ákimdiktiń baspasóz qyzmeti.